影片
更多
2018-03-09
744 瀏覽
其中一個表姨甥女去完澳洲，仲喺玩埋露營車（我都好想試），啱啱返香港就梗喺搵佢食番餐，等佢分享呢次行程嘅點滴同體驗啦。地點就佢，搵番旺角區，偶然發現間「Smiley Cafe」，貪佢成間店都擺滿「哈哈笑」，充滿正能量。餐廳走咖啡店路線，木地板配白色仿磚牆，淺木色系跟純白對襯嘅枱椅，自不然一室以輕鬆為主。但最大賣點就喺充滿「歡笑」，由外到內，一室鮮黃醒目，每一吋地方都擺設各式各樣嘅「哈哈笑」產品：氣球、霓虹燈飾、枱墊……等等，甚至連餐具、器皿都喺，設計別出心裁，真喺未食淨喺睇見個人都開心咗。主餐牌以ipad顯示，夠晒型格，菜式嘅大分類計有沙律、小食、主菜、甜品及飲品，每分類都有唔少選擇，有笑臉嘅就喺推介菜式，其中甜品及飲品選項特別多。以主題餐廳而言，消費唔算貴。馬介休配雜菜沙律 $58（散點）比較特別嘅小食，所以，特別想試吓。馬介休喺葡菜名物之一，以前都只喺去澳門時晌啲葡國餐廳食過。一客3粒而且搓得幾大粒，每粒大概一隻普通雞蛋嘅大細。炸得外型金黃，一切開熱氣騰騰，麵包糠外皮甘香脆口唔油膩，而中間嘅薯蓉搓得軟熟，馬介休令味道帶點鹹香，伴點胡麻醬雜菜沙律，平衡番啲食炸嘢嘅感覺。此外，晚市有套餐
餐廳走咖啡店路線，木地板配白色仿磚牆，淺木色系跟純白對襯嘅枱椅，自不然一室以輕鬆為主。
但最大賣點就喺充滿「歡笑」，由外到內，一室鮮黃醒目，每一吋地方都擺設各式各樣嘅「哈哈笑」產品：氣球、霓虹燈飾、枱墊……等等，甚至連餐具、器皿都喺，設計別出心裁，真喺未食淨喺睇見個人都開心咗。
主餐牌以ipad顯示，夠晒型格，菜式嘅大分類計有沙律、小食、主菜、甜品及飲品，每分類都有唔少選擇，有笑臉嘅就喺推介菜式，其中甜品及飲品選項特別多。以主題餐廳而言，消費唔算貴。
馬介休配雜菜沙律 $58（散點）比較特別嘅小食，所以，特別想試吓。馬介休喺葡菜名物之一，以前都只喺去澳門時晌啲葡國餐廳食過。
一客3粒而且搓得幾大粒，每粒大概一隻普通雞蛋嘅大細。炸得外型金黃，一切開熱氣騰騰，麵包糠外皮甘香脆口唔油膩，而中間嘅薯蓉搓得軟熟，馬介休令味道帶點鹹香，伴點胡麻醬雜菜沙律，平衡番啲食炸嘢嘅感覺。
此外，晚市有套餐供應，比散點嚟得更實惠。晚餐，A-F共5款選擇，有沙律、脆脆包、意大利麵、意大利飯、肉眼扒，包甜品及餐飲，定價都喺$58-$105，餐飲可加$10轉其他飲品（雲朶、沙冰系列除外）。
拿破崙茄蓉海鮮意大利飯 $85（晚餐）
意大利飯一向最啱我，所以，晚餐之一亳無懸念揀佢。個飯睇落幾對辦，汁濃夠黏，賣相又幾討好，尤其隻碟，繽紛夠活力，睇到都有種開心嘅感覺。
拿破崙茄蓉海鮮意大利飯
$85
7 瀏覽
2 讚好
0 留言
香煎肉眼扒配薯菜 $105（晚餐）一百鬆少少嘅晚餐有得揀肉眼，肉眼又喺小弟嘅心水菜式，無理由唔揀佢。仲配上脆薯條及胡麻醬雜菜沙律，伴燒汁（但味道有少少咖喱味，幾得意）。
香煎肉眼扒配薯菜
$105
22 瀏覽
2 讚好
0 留言
香煎肉眼扒配薯菜
$105
12 瀏覽
0 讚好
0 留言
巨蜂提子啫喱伴軟雪糕（晚餐）晚餐所奉送嘅甜點初以為淨喺軟雪糕，啲軟雪糕故然好軟滑，富奶香，原來下面啲星星喺巨蜂提子味嘅啫喱，別緻可愛，有啲意外嘅驚喜。
芒果芭菲杯 $68（散點）表姨甥女話細細一小杯軟雪糕佢唔夠喉，再者，甜點絕對喺「Smiley」嘅強項，由雪糕杯、芭菲杯、雲朶雪糕、布丁、奶凍……等等十多款。所以，追加一客店家推介嘅芒果芭菲杯，芭菲吸引之處，就喺將（由下而上）窩夫片、蜂蜜蛋糕、軟雪糕、朱古力脆米、蜂蜜蛋糕、忌廉、蜂蜜啫喱、芒果粒一層又一層放埋一齊，好睇就唔在講，一次過試到咁多嘢食，對甜品迷就實滿足死啦。的確，既豐富，又滋味多變，食完令人更開懷。
芒果芭菲杯
$68
7 瀏覽
0 讚好
0 留言
表姨甥女揀杯養生茶，香桃原來喺鮮桃肉，蘋果則嚟自茶葉，養唔養生就唔知，但佢話味道甜甜酸酸，有微微山渣嘅感覺，幾順喉。
玫瑰咖啡 +$10小弟鍾情鮮奶咖啡，杯玫瑰咖啡咪以為加幾片食用玫瑰花瓣就了事，入口每啖都滲出幽香嘅玫瑰味，當然，味道喺嚟自啲玫瑰糖漿啦，但襯托出醇香嘅咖啡味，拉花亦算喺做得唔錯，再者，杯碟嘅可愛圖案，飲完杯底又有個「哈哈笑」公仔，亦為杯咖啡加分！
玫瑰咖啡
5 瀏覽
0 讚好
0 留言
整體食物嘅水準唔錯，定價相宜，最好喺餐廳嘅氣氛夠陽光、夠正面，讓人積累更多正能量。依家啲人怨氣太多，個個塊面都似烘燶麵包咁，咩事都向負面看，其實，嘈兩句都喺傷自己身，學習吓放鬆，多啲笑臉迎人啦。
張貼
