影片
更多
2011-06-30
70 瀏覽
黃色暴雨的星期二晚上, 冇諗到禁多人, 我地七點三到冇訂位但好彩都有兩張二人檯, 一如其他人所講我放左袋野在地下, 侍應就話轉頭比張凳我地擺野, 叫我地飲杯茶先,之後有個四眼短髮女人(應該係老闆卦)埋黎比個勾我掛野, 無禁貴重的就掛在張凳後面, 當我地睇緊個menu時, 果個女人又出現, 好似sales咁介紹晒成個menu, 我地諗緊時, 有個男人問我地駛唔駛叫杯豆漿一路諗一路飲, li間野真係好識做生意, 哈哈. 我地叫左個二人餐, $198, 其中一個食送要左粟米魚塊, 佢冇寫斑塊, 都幾老實喎, 哈哈. 另外加左$12 要左個蕃茄燴牛尾. 再叫左個咸牛利, 先黎左兩盅湯, 係青紅蘿蔔煲瘦肉, 一d都唔油, 仲好清甜, 真係似阿媽煲的味道, 冇味精, 個湯好熱, 擺左一陣都仲好熱. 個粟米魚塊的白汁好濃帶點甜, 唔知係咪加左芝士. 個蕃茄燴牛尾的汁竟然係清的, 我以為係紅紅地添, 不過個牛尾都燴得好淋, 配菜有D蘿蔔洋蔥同埋類似薯仔但又幾有咬口的. 二人套餐包左個菜, 我地要左莧菜, 超大碟, 食極都有. 重有個咸牛利, 有四件都幾大件但不是太厚身, 配埋個黃芥末醬真係正, 淋得
我地叫左個二人餐, $198, 其中一個食送要左粟米魚塊, 佢冇寫斑塊, 都幾老實喎, 哈哈. 另外加左$12 要左個蕃茄燴牛尾. 再叫左個咸牛利,
先黎左兩盅湯, 係青紅蘿蔔煲瘦肉, 一d都唔油, 仲好清甜, 真係似阿媽煲的味道, 冇味精, 個湯好熱, 擺左一陣都仲好熱.
個粟米魚塊的白汁好濃帶點甜, 唔知係咪加左芝士.
個蕃茄燴牛尾的汁竟然係清的, 我以為係紅紅地添, 不過個牛尾都燴得好淋, 配菜有D蘿蔔洋蔥同埋類似薯仔但又幾有咬口的.
二人套餐包左個菜, 我地要左莧菜, 超大碟, 食極都有. 重有個咸牛利, 有四件都幾大件但不是太厚身, 配埋個黃芥末醬真係正, 淋得黎又有咬口.
最後當然係我心目中的主角甜品上場啦, 總共有十九款, 又係果個四眼短髮女人介紹, 不過好可惜冇雞蛋形果個呀, 佢話果個要預備兩日, 因為星期一休息, 所以星期二係唔會有喎. 最後我地叫左三個, 分別係栗子西米, 龍眼汁凍, 椰青糕, 其中一個加$14, 個龍眼變左細杯version, 不過都有三粒龍眼肉, 好清甜的. 另外椰青糕好清, 栗子西米的栗子味好濃但比例佔好少, 所以我朋友食果一半食唔出.
總括黎講食物湯水甜品都幾好味, 又冇味精, 服務殷勤, 可惜我覺得好商業, 一d都冇其他人所講有家人的感覺, 不過做生意緊係咁, 但最好唔好禁虛偽啦. 地方淺窄, d檯又擺得埋, 我食li餐飯不下被d侍應撞左十次, 雖然佢地冇心, 但作為客人, 都應該不會想成餐飯係咁比人撞. 這個環境下埋單三百多元, 茶芥等等都有收錢.
張貼
