燒蝦蝦 (金福閣） (已結業)

自從疫情之後都好少特登周圍覓食今次入左元朗去燒蝦蝦🦐，雖然係地牢鋪但係抽風設施算吾錯，吾算好大煙。呢個放題係2.5小時任食，時間都尚算足夠，好岩一班朋友一齊聚會去食。講下食物先，種類繁多。講下蝦先，喺個水缸到自己夾落冰桶浸至少30秒，呢個過程要夾實😂，因為d蝦會彈黎彈去。我就夾左d大頭蝦，仲要有膏好鮮甜。 除咗蝦之外仲有其他吾同既貝殼類同埋我中意既鮑魚、魷魚。我就加左雞湯煮蜆同鮑魚，令到吾會乾身又食到海鮮既鮮味。我今次去仲送左每人半隻龍蝦，雖然size吾算大，但肉質彈牙同好鮮味，燒緊既時候隻龍蝦仲識得郁🦞🤣扇貝就加左牛油同蒜蓉燒，好惹味。如果鍾意食魚，佢仲有原條魚燒添🐟另外仲有好多吾同既串燒。而個爐有分2層，所以下層我就用黎燒串燒，我最鍾意燒細條既台灣腸同雞軟骨，燒到脆卜卜。飲品方面選擇都超級多，除咗紙包、茶仲有罐裝汽水蘆薈爽等等，我自己就簡左清涼爽好似會無咁熱氣😜。酒類除左啤酒仲有清酒同梅酒。最後一定要燒菠蘿，記得搽埋蜜糖呀🍯，又甜又多汁！