吹水館 (已結業)

不經不覺已寫到第一佰編了, haha... 下一步當然係向二佰邁進! 今日約咗友人晚飯, 佢提議到蘇豪東, 也好, 雖然位處方便, 但其實我很少响呢邊食, 也不知那一家好味, 試試新的也好!看見這間門面四正, 有海鮮扒房feel, 即管入去試吓! 由於時候尚早, 我們就叫杯cocktail&紅酒吹吓水先! 我嗰杯澳洲house red都唔錯. 吹咗一輪, 我哋就叫咗一個沙律+個set dinner 大家share. (因浪漫的燈光影响了相片質素, 請見諒!)煙三文魚沙律 - 煙三文魚和沙律菜都是現成的, 唔見得有咩特別.酥皮焗田縲 - 聽個名就好特別, 心在想酥皮點焗田縲呢? 原來是用一個西式湯盅, 面頭鋪了焗酥皮, 內裏是田縲肉加了些洋葱及磨菇之類, 水汪汪, 無嚟味道, 而縲肉則有點硬! 我還請教部長這個應該係一個湯, 還是前菜? 但他依然堅持是前菜. 羅宋湯 - 只是普通貨色, 不過不失.炭燒肉眼扒 - 幸而這件肉眼攞番唔少分, 件扒夠味, 火喉剛好, 要燒一件薄薄嘅肉眼是頗考功夫的! 最終這餐總算不遇不失, 應該可以有下次的!