276
18
6
等級4
107
0
2018-03-30 113 瀏覽
確實,由聖誕到新年呢幾個月,都真係食唔少好野,但呢間就令我留到好深印象,要食到好食既西班牙菜唔易,尤其佢出名既海鮮飯,因為要整得入味或者飯唔太林或太硬,係廚師既功力,呢晚既隨意選擇,竟然俾到驚喜我地!第一樣野先上海鮮飯,淨係睇食物擺位就知有「心」思,因為佢放蝦同HAM同青口,都係心心形(可能我影唔到),只係睇外表已經贏左。之後第一啖飯放入口,飯係完全吸晒海鮮同茄味,好入味,少少濕,軟身唔太硬,係我角度已經好好,因為要食到好味既西班牙菜都容易(或者話岩我口味既),加上佢既入味而唔膩,海鮮都OK新鮮,用心而煮成,贏左!碟飯咁大碟,兩個人合力已經清左大半碟,都已經飽飽地,之後就上crab cake,朋友話好味,事實亦都係,因為蟹肉同芝士溶為一體,所以口感較為厚身,好飽肚,而且賣相都唔錯,D蟹鋏申出來,都幾特別,而且鋏內都有少少肉俾你「損」到,唯一我覺得美中不足就係,蛋可能焗耐左有D老,只係有少少不完美,但整體係OK!其實去到尾聲,兩個女仔又點會食得晒所有野呢﹖最後來埋隻豬手,問你死未!但‥‥‥幾飽都好,皮脆,咬落去重聽到“SHORT SHORT”聲,肉嫩,但呢D只係基本野,真正好味既原因係個
更多
確實,由聖誕到新年呢幾個月,都真係食唔少好野,但呢間就令我留到好深印象,要食到好食既西班牙菜唔易,尤其佢出名既海鮮飯,因為要整得入味或者飯唔太林或太硬,係廚師既功力,呢晚既隨意選擇,竟然俾到驚喜我地!
Paella de Marisco
$298
12 瀏覽
0 讚好
0 留言

第一樣野先上海鮮飯,淨係睇食物擺位就知有「心」思,因為佢放蝦同HAM同青口,都係心心形(可能我影唔到),只係睇外表已經贏左。之後第一啖飯放入口,飯係完全吸晒海鮮同茄味,好入味,少少濕,軟身唔太硬,係我角度已經好好,因為要食到好味既西班牙菜都容易(或者話岩我口味既),加上佢既入味而唔膩,海鮮都OK新鮮,用心而煮成,贏左!

Crab Cake with Cheese
$168
7 瀏覽
0 讚好
0 留言

碟飯咁大碟,兩個人合力已經清左大半碟,都已經飽飽地,之後就上crab cake,朋友話好味,事實亦都係,因為蟹肉同芝士溶為一體,所以口感較為厚身,好飽肚,而且賣相都唔錯,D蟹鋏申出來,都幾特別,而且鋏內都有少少肉俾你「損」到,唯一我覺得美中不足就係,蛋可能焗耐左有D老,只係有少少不完美,但整體係OK!

Roasted Pork Knuckle
$388
5 瀏覽
0 讚好
0 留言

其實去到尾聲,兩個女仔又點會食得晒所有野呢﹖最後來埋隻豬手,問你死未!但‥‥‥幾飽都好,皮脆,咬落去重聽到“SHORT SHORT”聲,肉嫩,但呢D只係基本野,真正好味既原因係個醬,再加蜜糖冧上面,個汁我估應該係用酸菜調教而成,再加蜜糖上面,有甜酸效果,所以食豬手一定要配菜減輕番豬手既重口味,佢利用汁來代替碟邊菜,好有新意!
Mini Burlee
9 瀏覽
0 讚好
0 留言

本身好想試佢地個earl grey cream burlee,但飽到已經打包D野食走,果晚只得四枱生意,佢叫我地幫手做個問卷,之後送一個mini板cream burlee俾我地,未上甜品只上隻碟,已經好有格調,用心設計過,用匙切開個面,面層既糖燒到岩岩好,一個字“脆”,而蛋甜度又適中,口感都滑,完美!

裝修及擺設都有用心設計,感覺好舒服,好岩兩、三知己食住飯傾計,而且朋友同我都決定,會再來試其他既餸,因為黑毛豬都無機會試,重有我最愛既earl grey甜品呢‥‥‥‥‥
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2018-03-26
用餐途徑
堂食
人均消費
$470 (晚餐)
推介美食
Paella de Marisco
$ 298
Crab Cake with Cheese
$ 168
Roasted Pork Knuckle
$ 388
Mini Burlee