第一腸粉專賣店 (已結業)

上哂頭版同天書，攪到變做人龍店，雖然評價參差，不過是日早食午飯，唔洗排隊，都黎試下。先講腸粉，個招牌第一腸好台灣魯肉飯既感覺，可能係肉碎既關係吧，個皮厚薄適中，未算係滑，可以講係有點粉，不過整體個腸粉都係正常水準，始終沒有我腸粉既首選堂記驚豔。另一款係豬潤腸，除了餡料，跟第一腸沒有太大分別吧。當飯食，要左個排骨飯同豬骨粥。掛骨飯真係好唔錯，排骨配上蒜蓉黎蒸，蒜味淡淡來得正好，唔會只係食到蒜味，整體個味道剛好，可能個人都幾鐘意食蒸飯，好多時蒸飯都係一路蒸住過哂火，呢到無呢個問題，係好食的排骨飯。另外豬骨粥，粥底幾甜，料說適中，正路野。十幾廿蚊，正正常常，最好味既係個排骨飯，係下午茶/小食/宵夜既好地方，當飯食就真係唔多飽。