初遇

營業中

休息中

初遇自從上年去咗粉嶺食完「初遇」之後，最近發現沙田都開咗新分店，行完沙田新城市廣場，就一於去隔離好運中心去食返「初遇」，呢間台灣菜餐廳主打傳統同地道台式美食，裝修以淺木色為風格，成個餐廳潔淨光猛舒適，店員非常有禮貌，我禁完張飛仔等咗唔夠五分鐘就入得去，餐廳算大，好方便輪椅人士入去食野，沿途都係無障礙，冇一級梯級，好運中心出名多梯級，而家有呢間「初遇」咁就唔洗驚無野食啦！1.初遇川味半筋牛肉麵$79（9.5/10）呢個川味半斤筋肉麵個牛筋煮得好軟淋，牛筋都有2舊,牛肉大大舊痴牙，牛肉都有2舊，湯底有少少辣，手工麵好煙韌彈牙，仲有小唐菜同雪菜，唔夠雪菜枱面仲有一兜雪菜比你任加，整體份量真係超多，好好味！2.古早滷蜜汁排骨 配：手工麵$70（10/10）呢碗古早滷蜜汁排骨手工麵個排骨大塊到不得了，有一個成年人手掌咁大，排骨外面炸得好酥脆，經過搽咗蜜汁令到排骨少少甜，肉質都好嫩滑唔鞋，手工麵好煙韌彈牙，仲有小唐菜同雪菜，唔夠雪菜枱面仲有一兜雪菜比你任加，整體份量真係超多，好好味！3.士林鹽酥雞$38（9.5/10）呢個鹽酥雞大大粒，外脆內軟，每一啖都啖啖肉，一共大約有10舊鹽酥雞！4.芋香珍珠