強記小廚

營業中

休息中

最近天氣轉冷，就好想去食個羊腩煲，男朋友search到呢間強記ge羊腩煲都多人讚，所以今晚就專登去食啦。因為睇其他食評話7點就開始full，所以我地6點幾就去到，坐低諗住即刻點個羊腩煲先啦，點知職員話羊腩煲停左好耐！無奈地出面落緊大雨，我地都費事再行泥行去，一於試下其他小菜啦。麻香爽魚皮先來一碟爽魚皮，魚皮偏厚身，入口非常爽脆，份量亦算多，$40大大碟好抵食！辣酒煮花螺辣酒辣度唔算好辣，個汁都幾惹味，花螺ge size偏大，入口就有點韌。欖角冰梅骨一粒星都唔想俾ge系列！望落以為大大舊，咬落去都去大部份都肥膏，咬到肉ge位又好鞋好韌！個汁又食唔出係咩味！煎蠔餅又係一粒星都唔想俾ge系列，眼見差不多每枱都有叫一碟，的確係大大碟，蠔仔份量都算多，但粉漿份量仲加多，油膩到好似食緊啖啖油咁！食完仲口渴左成晚！去到7點幾已經坐滿人，環境非常嘈吵，食完都覺得好頭痛。小菜價位算合理，可惜食物質素未如理想。