冰極餐廳

營業中

休息中

11月屋企小公主生日，當然大大小小一齊慶祝啦。我哋去咗海洋公園，中午去咗冰極餐廳食午餐，當日係平日，冇乜人，餐廳枱與枱之間有一定距離，環境舒服，燈光亦都好柔和，我哋叫咗幾個主菜大家一齊食，有黑毛豬扒，好厚身但係仍然滑嫩，食得出豬新鮮。忌廉汁煙肉帶子意粉，叫咗大份，夠3人食，忌廉汁多又濃，帶子都大大隻。燒排骨一份，普通，多啲 肉同煮冧啲更加好。招牌海鮮企鵝薄餅，真係企鵝型狀，打卡一流，一睇就知好唔好食⋯⋯。餅底太薄，似係超級薄而乾的餅乾，難食，冇下次。呢餐食咗2千蚊，以前我哋細個係帶食物入公園野餐，依家有能力就試下餐廳食飯，仲有就最緊要小公主開心🥳。