影片
更多
2005-03-07
57 瀏覽
今次係我第一次寫食評,都好緊張下...見到之前既食評唔錯,本人又最勁鍾意食意大利菜,所以一直都好想試下呢間餐廳,終於搵到朋友陪我去啦...星期日去,六點己經到左,諗住先飲埋佢個WINE BUFFET, 原來要加$88,都唔平喎,但個侍應好好人咁,比我地試左先.個HOUSE WINE又真係唔錯喎,叫其他一柸都要成$50,以本人既飲量,一定回到本啦講番食物,最令我回味既,係個湯,一款係豆容CREAM SOUP,另一種係磨菇CREAM SOUP,嘩...兩款都好好味,係真材實料,將D豆磨作溶,成個湯都好豆感,正!而磨菇個款都一樣,係將菇磨作溶,成個湯都充滿菇味,推界!而跟湯既包亦不錯,有黑麥包,合桃包,芝麻脆片同法包,唔敢食咁多,因要仲有主菜...主菜有19款任擇,唔知係咪轉左餐牌,同之前食評人唔同囉,不過有軟殼蟹,銀雪魚,帶子,田螺既海鮮,仲有扁意粉,意大利飯,闊麵,千層麵,雲吞等主食,都不錯啦.最令我失望既係甜品,對於可以甜品當飯食既我,就覺得完全唔點囉...TIRUNISU唔得,根本就唔係個回事,CARROT CAKE麻麻,芝麻CAKE,好似NEWWAY BUFFET個種,我諗唯一可以
見到之前既食評唔錯,本人又最勁鍾意食意大利菜,所以一直都好想試下呢間餐廳,終於搵到朋友陪我去啦...
星期日去,六點己經到左,諗住先飲埋佢個WINE BUFFET, 原來要加$88,都唔平喎,但個侍應好好人咁,比我地試左先.個HOUSE WINE又真係唔錯喎,叫其他一柸都要成$50,以本人既飲量,一定回到本啦
講番食物,最令我回味既,係個湯,一款係豆容CREAM SOUP,另一種係磨菇CREAM SOUP,嘩...兩款都好好味,係真材實料,將D豆磨作溶,成個湯都好豆感,正!而磨菇個款都一樣,係將菇磨作溶,成個湯都充滿菇味,推界!而跟湯既包亦不錯,有黑麥包,合桃包,芝麻脆片同法包,唔敢食咁多,因要仲有主菜...
主菜有19款任擇,唔知係咪轉左餐牌,同之前食評人唔同囉,不過有軟殼蟹,銀雪魚,帶子,田螺既海鮮,仲有扁意粉,意大利飯,闊麵,千層麵,雲吞等主食,都不錯啦.
最令我失望既係甜品,對於可以甜品當飯食既我,就覺得完全唔點囉...TIRUNISU唔得,根本就唔係個回事,CARROT CAKE麻麻,芝麻CAKE,好似NEWWAY BUFFET個種,我諗唯一可以既係CHEESE CAKE囉,我個朋友話好喎,(我唔食芝士既)所以我就冇好既甜品做結尾啦...
飲多幾杯紅酒吧...
張貼