寶蓮禪寺齋堂

營業中

休息中

一家大細揀左係星期五去昂坪行個圈，出發之前已經諗住要去食下齋，食少餐肉當係清下腸胃。從昂坪360到齋堂大約要行10分鐘，到達齋堂嘅時候都差唔多兩點半，入去食飯前要先係門口揀定要邊個餐，比左錢，先入去坐低等食。天氣好熱，阿姨好友善咁叫我地飲多碗菜乾湯。我地揀左珍味齋，每位$110，比完錢後入去飯堂坐低等食，可能因為時間同依加仲係疫情關係，冇咩遊客到訪，有好多位比你坐。上菜好快，四餸一湯，分量岩岩好，味道都唔錯，炸春捲外皮香脆，冬菇小白菜都好入味，菜乾湯真材實料，推介大家到昂坪可以一試寶蓮襌寺齋堂。