春水堂 (東港城) (已結業)

平時觀塘apm的春水堂多數都要排隊， 今次假日到東港城的分店， 竟然可以即時入座， 實在非常驚喜🤩。 新開不久店內環境很新淨， 今次午餐點滷香拼盤$78、 紅燒牛肉麵$82、 魯肉飯$28、 珍珠鐵觀音奶茶$34。 ◽滷香拼盤🍲 ～ 有豬大腸、牛肚和牛筋， 濃郁的滷水味， 三款都好味。 ◽紅燒牛肉麵🍜 ～ 麵的質地幼身， 有點黏口，牛肉軟腍， 最重要湯底都非常好飲， 好重牛肉味又不會膩。 ◽魯肉飯🍚 ～ 細細碗， 味道普通啦！ ◽珍珠鐵觀音奶茶🧋 ～ 珍珠細粒口感煙韌， 鐵觀音茶味香醇， 不錯哦！ 春水堂的價錢不算抵， 但勝在食物有質素， 我感覺東港城的分店味道勝於觀塘apm的☺️。