德島

營業中

休息中

好耐冇係呢度寫過野。今日偶然經過天后，遠望對面一間新開茶餐廰，吸引去睇吓餐牌，原來主打奶茶。睇咗一陣，唔知係老板抑或伙記走嚟禮貌招呼，就入咗去坐低，餐牌唔多嘢，點知有煎蛋免牛飯（原名唔知叫煎蛋西班牙……唔記得乜）加奶茶，煎蛋免牛嘅煎蛋半熟，有蛋汁同少少濃邊，係香港已經好難揾到呢啲煎蛋，一係好熟一係好生，呢個蛋嘅蛋汁同免牛汁加埋，就係呢個飯精髓，好食，唔同外面快餐店嘅嘢。杯奶茶就要讚一讚，我個人覺得茶膽唔够中環蘭乜園咁香（蘭乜園啲嘢食已經退步到唔去）但係德岛呢一杯奶茶係我好耐冇飲過嘅好奶茶，佢嘅茶同奶份量恰到，重點佢個杯係熱嘅，好少茶記做到咁，飲到最後茶都熱，值得一讚。另外叫咗一個特餐炒蛋豬排米加檸蜜，原本有多士，我哋想試吓波蘿油，伙記介绍加十元可改，咁又有另一個驚喜，個波蘿皮好正，牛油係雪過，好食。特餐嘅炒蛋都好熱但係又滑，猪排都做得好好，两個餐幾十元餐唔貴，臨走同佢收银講嘢好食會再嚟。