新德里餐廳

營業中

休息中

呢一間係我第一次去重慶大廈食嘅餐廳，從來都未入過去重慶大廈嘅我，啱啱入去嘅時候有少少驚，不過上到去之後個感覺又令我有新嘅睇法，入到去餐廳都幾大入邊都有一啲香港人喺度食緊野，我哋俾人安排到一個比較角落嘅位置，餐廳播住一啲印度式嘅純音樂都令人覺得幾輕鬆，侍應都好熱情咁樣介紹餐單入邊嘅食物亦都有一啲推介，我今次揀咗食新德里炸雞、芝士煎餅、咖喱燴羊肉、青檸梳打同埋芒果乳酪。整體食物都幾好食，特別係芝士煎餅，因為個人特別比較喜歡一啲香口嘅食物，呢個煎餅點㗎呢非常之夾。題外話，喺食物嚟之前餐廳侍應會比一盤薄餅，而嗰個薄餅係可以點枱面嘅兩種醬汁，我相信一種係燒烤汁，而另一種應該係辣豆醬。嗰隻炸雞其實都幾好食，唔係嗰種炸到好乾身嘅炸雞，而係入邊都有滑溜嘅感覺。個羊肉相對上有啲遜色，雖然個咖喱汁都好好味但係個羊肉就有啲乾。不過整體來講，其實呢一間餐廳CP值都幾高因為都好平同幾好食，但你叫我食多一次我就會寧願揀其他印度餐廳。