影片
更多
2005-10-04
84 瀏覽
尋晚同男友入o左長洲食飯,因為第一次去,所以之前諗住去睇o下部份舖頭食評,點知長洲食海鮮o既舖頭食評唔多,淨係見到"恆樂"算係比較多人評,但都係唔好o既多,所以之前同男友講定,點都係唔去呢間,但食邊間就去到先決定,總之見步行步.可能因為係星期一關係,到o左呢排食海鮮o既舖度,發現唔係太多人,都好驚會俾人搏命sell入去,點知又冇喎,沿路行都係得"恆樂"一間,有個女人搏命拉客,其他舖頭都冇,我同男友本來都唔太理佢繼續行前,點知佢好巴閉咁話"你o地一陣先行返o黎!!",我心諗"你有乜咁叻,我一陣一定去你度食呀??我唔信我o地一定要去你度."跟住繼續行,但仍然都未諗去邊間.就o係呢個時候俾我發現"康記",但我o地決定揀佢,因為佢佔o既舖位係最多(前面有兩間,後面仲有),另外最重要係最多長洲居民幫襯.(根據經驗所得,我家附近都有好多出名舖頭俾報紙雜誌讚,但都係麻麻,只有我o地住o係度兼由細食到大o既麻煩人先會清楚好食與否,所以揀d越多當地人去o既舖入去就冇錯).最後亦都真係冇選錯.首先環境就麻麻(因為我o地揀o左坐近海,其實間間舖都一樣,坐近海就好熱,天氣熱嘛,只要揀冷氣地方坐就冇問題),服務
可能因為係星期一關係,到o左呢排食海鮮o既舖度,發現唔係太多人,都好驚會俾人搏命sell入去,點知又冇喎,沿路行都係得"恆樂"一間,有個女人搏命拉客,其他舖頭都冇,我同男友本來都唔太理佢繼續行前,點知佢好巴閉咁話"你o地一陣先行返o黎!!",我心諗"你有乜咁叻,我一陣一定去你度食呀??我唔信我o地一定要去你度."跟住繼續行,但仍然都未諗去邊間.
就o係呢個時候俾我發現"康記",但我o地決定揀佢,因為佢佔o既舖位係最多(前面有兩間,後面仲有),另外最重要係最多長洲居民幫襯.(根據經驗所得,我家附近都有好多出名舖頭俾報紙雜誌讚,但都係麻麻,只有我o地住o係度兼由細食到大o既麻煩人先會清楚好食與否,所以揀d越多當地人去o既舖入去就冇錯).最後亦都真係冇選錯.
首先環境就麻麻(因為我o地揀o左坐近海,其實間間舖都一樣,坐近海就好熱,天氣熱嘛,只要揀冷氣地方坐就冇問題),服務幾周到,最緊要係食物,味道唔錯,海鮮夠新鮮,蜆雖然細,但味道唔錯,啲汁用o黎送飯"正",蝦爽口唔會"梅",京都骨個汁又係好,菜唔會炒過頭,夠爽脆,總括來講都算唔錯.
我o地叫o左個兩人套餐($168),包括:
豉椒炒蜆
白灼蝦
京都骨
蒜蓉通菜
(兩個海鮮可以隨時更外,可以到隔離海鮮舖揀其他海鮮)
送生果(星期一至五有例湯送)
另外,加o左一個蝦醬炒飯(雖然只係$20,但材料好豐富),兩支汽水(只有支樽裝),無加一,都係$204咋.(其實兩個人食個套餐唔食飯都夠,但想試蝦醬炒飯,所以先叫,搞到最後要包走).
,另加一個蝦醬炒飯,兩支汽水(只有大支樽裝).
張貼