影片
更多
2020-06-20
53 瀏覽
五星級酒店價錢，地痞大排檔嘅服務水平。今日係第一次去，不過都好肯定係最後一次去，以後有人請我都唔會再去。我好少會喺OpenRice寫食評，不過呢間餐廳真係差到唔講唔得。今年係小弟第一次做父親節主角，滿心歡喜地同老婆外家全家去食飯，我哋一行九個大人加三個手抱嬰兒，book左夜晚7:00，冇錯，我哋係遲咗兩個字，我哋7:10一群人抱住三個BB衝住去攞枱，門口個凶神惡煞嘅reception，第一句好唔客氣地同我哋講，話打咗三次俾我哋都冇人聽，我哋抱住幾個BB去食飯遲左少少講嘢使唔使咁唔客氣，佢哋見我哋人多，帶咗我哋去VIP房，咁VIP房裝修唔錯，望落去都幾企理，不過個冷氣好流，外面30幾度，我哋喺嗰間所謂嘅冷氣房食飯食到滴晒汗，食物水準中規中矩，有好多人話價錢貴，我就覺得出嚟食飯佢又唔係話貴得好過分，要慳就不如係屋企自己煮啦，不過服務態度真係好差，講真，我哋有三個手抱嬰兒，都唔會坐張枱坐好耐，食飯食咗個半鐘，三番四次吹佢個金邊粉，去到9:00佢先同我講話師傅未夠鐘煮炒粉麵，我真係忍唔住問佢，你哋個廚師唔係照住客人想食乜嘢而煮嘅咩？乜原來要睇自己時間表㗎？個姐姐好似懶搞笑咁同我講話今日嘅安排有
今日係第一次去，不過都好肯定係最後一次去，以後有人請我都唔會再去。
我好少會喺OpenRice寫食評，不過呢間餐廳真係差到唔講唔得。
今年係小弟第一次做父親節主角，滿心歡喜地同老婆外家全家去食飯，我哋一行九個大人加三個手抱嬰兒，book左夜晚7:00，冇錯，我哋係遲咗兩個字，我哋7:10一群人抱住三個BB衝住去攞枱，門口個凶神惡煞嘅reception，第一句好唔客氣地同我哋講，話打咗三次俾我哋都冇人聽，我哋抱住幾個BB去食飯遲左少少講嘢使唔使咁唔客氣，佢哋見我哋人多，帶咗我哋去VIP房，咁VIP房裝修唔錯，望落去都幾企理，不過個冷氣好流，外面30幾度，我哋喺嗰間所謂嘅冷氣房食飯食到滴晒汗，食物水準中規中矩，有好多人話價錢貴，我就覺得出嚟食飯佢又唔係話貴得好過分，要慳就不如係屋企自己煮啦，不過服務態度真係好差，講真，我哋有三個手抱嬰兒，都唔會坐張枱坐好耐，食飯食咗個半鐘，三番四次吹佢個金邊粉，去到9:00佢先同我講話師傅未夠鐘煮炒粉麵，我真係忍唔住問佢，你哋個廚師唔係照住客人想食乜嘢而煮嘅咩？乜原來要睇自己時間表㗎？個姐姐好似懶搞笑咁同我講話今日嘅安排有啲失策，其實最失策嘅係我哋，唔應該去呢間餐廳食飯，好多人都慣咗要有啲粥粉面飯落肚先飽肚，唔通我哋抱住幾個BB等到夜晚11-12點等你個炒粉麵，我哋其中一個BB對杯青檸梳打上面一個小擺設有興趣，揸住係咁玩，個姐姐好似驚我哋會偷咗佢咁同我哋講臨走前記住要擺低，全場人即刻O晒嘴，其實嗰刻我好想鬧個姐姐，不過我見啲長輩都未出聲，我費事咁多口，不過我覺得呢間野又唔係百分百垃圾，佢哋啲啤酒生啤選擇幾精彩，最衰我要揸車，如果唔係應該會喪飲，我衷心覺得佢哋係一間酒吧，實在說不上係一間餐廳。大家去呢間餐廳食飯之前最好食咗啲嘢打底先，因為一定唔夠飽。
張貼