麻布茶房 (已結業)

尋晚同朋友去咗麻布茶房食飯,我本來真係唔想去因為幾年前佢開既時候我已經聽講話唔好食,但個朋友又book咗枱又話好好食咁冇計啦!一定要去!間嘢好勁呀!我自問都唔係一個咀刁既人佢d嘢真係好難食呀!但都仍然有人排隊!佩服!上菜又慢佢既唔知咩豚肉飯d肉又硬d菜又凍,個番薯天婦羅冇味勁淡,跟餐既湯根本就係味精加水,好嘢呀!最過份係friend驚唔夠飽叫多個飯糰好彩我講咗話唔食,個飯糰一到我地見到既係一堆白飯加紫菜小小肉...正呀!好難搵架食啦!個餐牌就大d相影得好似好好食,雖然一定要咁做但都唔使同真實情況差咁遠架!叫咗個唔知咩闊麵佢寫住極品原來係(極度醜一樣之食品)唔食得都睇得啦!到底廚房d人有冇用個心去煮嘢食架!睇吓食神啦周星馳冇教你咩!唯一好食既就係甜品........當然啦!只係叫貨返黎都唔使整!仲要食咗我地$280!!!