汀汀烤活魚 (已結業)

八點左右 去到等左十幾分鐘 好在係門口揀定哂嘢食 一坐低 已經開始上小食幾分鐘後又上埋條魚啲伙計都幾快手 抵讚入直路評下佢啲嘢食先小食叫左鳳爪同椒鹽雞軟骨鳳爪係開店週年優惠送嘅 口感好好 夠脆夠滑 泡椒個味都好開胃不過無辣不歡嘅我地覺得可以再辣啲雞軟骨幾香口 食落覺得幾熱氣 立即叫左兩支大啤... 天啊～點解惹味嘅野從來都要食肥我...女人多寶魚成條$124 加埋成鍋配料 係幾抵食見住個廚房大哥行出黎個魚缸度撈魚 唔知係咪心理作用 食落條魚覺得好新鮮 送飯幾正不過多寶不嬲肉甜但係肉少食到七分飽 成條已經無哂見有特價十蚊五隻海蝦 叫左一份黎打邊爐 唔錯 食得出係游水嘅 而size都算正常最後試埋個唔知叫甜品定前菜嘅燒波蘿夠哂酸甜 啲汁好醒胃 食完又好似由八成飽變番六七成...無計...直落深水埗食糖水埋單3百幾算抵嘅 不過呢間汀汀都有樓上店嘅通病 就係地方唔夠大 爆場嘅時候都幾嘈下 我地兩個鐘意拍拖食飯sweet下傾下心事 下次應該唔會係7-9呢啲peak hour去嚕