九重鮮 (已結業)

跟友人去左黃埔食韓式海鮮塔，堅開心，因為有得食海鮮之餘，仲可以任食自助吧！自助吧要推介個醬油蝦，醬油味濃郁，但仍不會蓋過蝦的鮮味，可以試埋醬油鮑魚食，爽口。自助吧的冷盤同樣不可輕視，沙律、泡菜、荳牙傳統少少的韓國料理，還有雪梨汁水冷麵、炒年糕、辣湯魚糕豆卜應有盡有，日式個隻八爪魚堅大隻，唔可以食咁多，要留肚食海鮮塔架。朋友點選了升級版濟洲島10重海鮮塔，海鮮塔未開始食，已經感到氣勢。第一層：象拔蚌（好細心地已經剪好）、海蝦（鮮甜爽口，絕不是死蝦）、黑椒鹽肥牛（黑椒味不錯）第二層：粉絲日本帶子（帶子大大粒，加上粉絲吸收，鮮味無窮）第三層：龍蝦（飽滿多肉，啖啖滿足）第四層：大花蛤（甜甜）、沙白（鮮鮮）、花尾龍躉肉(好滑）第五層：鮑魚（爽口彈牙）、蔬菜（蕃薯好甜）。仲有泡菜薄餅同炸雞，甜品，食到飽飽先走。