影片
更多
2014-02-24
3574 瀏覽
之前幫襯任食自助BBQ, 必選大欖海員學校果邊嘅大欖涌/海天一色, 今次有人提議嚟富泰呢邊試下.一行六大兩細, 一時左右到達. 小朋友一見到個遊樂埸已兩眼發光, 咁我哋就揀咗個近遊樂埸嘅位置, 可以方便睇到小朋友.是日係星期六, 大人$100.00一位, 小童 (0.9-1.3米)/長者$70.00, 另加三十蚊開爐費. 包一支水及罐裝飲品一罐.食物種類都算多, 但唔算特別, 都係香腸/紅腸/芝士腸/丸類/蝦卷/燒賣/多春魚/雞翼/豬扒/牛扒/叉燒/魷魚/腎/方包/蕃薯/茄子/粟米/翠玉瓜...... 先講唔錯嘅食物啦--魚蛋--爽口彈牙, 唔會一燒發脹成乒乓球, 只是微脹.雞翼--雖然望落似好辣, 因為顏色似咖哩, 但原來唔辣又幾好味.腎--切得夠大塊, 我哋自備錫紙包好嚟燒. 夠juicy 好味!魷魚--幾厚身. 但都幾辣, 肆辣嘅朋友必選.蕃薯--由於我哋自備錫紙, 可以自己包, 唔使幫襯佢買已包好嘅. 燴好嘅蕃薯真係好正, 又綿又甜. 唔多掂嘅食物--紅腸--咬落好林, 唔好食叉燒--超甜, 都唔知佢搵咩去醃嘅. 似係食腸粉果啲甜醬味, 難食.豬扒--超級大塊, 都唔知點"
一行六大兩細, 一時左右到達. 小朋友一見到個遊樂埸已兩眼發光, 咁我哋就揀咗個近遊樂埸嘅位置, 可以方便睇到小朋友.
是日係星期六, 大人$100.00一位, 小童 (0.9-1.3米)/長者$70.00, 另加三十蚊開爐費. 包一支水及罐裝飲品一罐.食物種類都算多, 但唔算特別, 都係香腸/紅腸/芝士腸/丸類/蝦卷/燒賣/多春魚/雞翼/豬扒/牛扒/叉燒/魷魚/腎/方包/蕃薯/茄子/粟米/翠玉瓜......
先講唔錯嘅食物啦--魚蛋--爽口彈牙, 唔會一燒發脹成乒乓球, 只是微脹.
雞翼--雖然望落似好辣, 因為顏色似咖哩, 但原來唔辣又幾好味.
腎--切得夠大塊, 我哋自備錫紙包好嚟燒. 夠juicy 好味!
魷魚--幾厚身. 但都幾辣, 肆辣嘅朋友必選.
蕃薯--由於我哋自備錫紙, 可以自己包, 唔使幫襯佢買已包好嘅. 燴好嘅蕃薯真係好正, 又綿又甜.
唔多掂嘅食物--
紅腸--咬落好林, 唔好食
叉燒--超甜, 都唔知佢搵咩去醃嘅. 似係食腸粉果啲甜醬味, 難食.
豬扒--超級大塊, 都唔知點"吉", 整多兩整仲爛開添, 谷鬼氣攞錫紙包好佢嚟燒. 建議佢一開二會較好. 味道都ok嘅.
牛扒--有膻味
其他食物就不過不失啦!
相信最開心嘅係小朋友, 由一點鐘跑跑走走到八點鐘, 又有專人(我哋大人)燒好嘢比佢哋食.
服務方面-- 攞用具果個職員都有啲表情. 但埋到counter攞嘢食/飲品, 想要咩職員負責夾比你. 呢個無笑容又未至於黑面, 似個機械人.
地方尚算乾淨, 廁所衛生都ok.
張貼
