Pan da Cafe

營業中

休息中

我係人生第一次打食評因為真係嬲到傻，唔係講笑我依家仲食緊第二餐。一開始睇落都正正常常，之後過咗半個鐘佢先上餐湯同埋一個疑似用微波爐焗嘅蒜蓉包。佢話聲稱係蕃茄湯但淡過水，之後再等多半個鐘終於有塊扒，切落去不得了，大家樂應該跑嬴佢。之後再等多三個字先上個散哂嘅千層面，普通意粉。我哋嗌咗個疏乎厘，一開始嗌果時佢講話要等20分鐘我哋嗰陣時知唔對路已經提早咗9個字講，唔意外地一個鐘之後先上到。你話唔抵食或者等得耐或者唔好食，耐唔耐都有餐廳係咁，但中哂三樣真係好激氣，仲要份量細！最尾2個set一個甜品轉疏乎厘加埋6xx，可一不可再，其實最好一次都冇食過。Ps 其實甜品質素可以，但整體真係太趕客！