影片
更多
2022-01-15
36 瀏覽
細到大都從來未試過寫食評，這次就決定咗係易間。話說有日行過銅鑼灣，同行人士話之前食過呢間粉麵好好味。咁我見個名 大鑊，本住試伏嘅精神，咁就畀人帶咗入去。一入去就有位冇戴眼鏡後生嘅侍應勁好禮貌，帶埋位又有幫手拉凳。成間餐廳嘅感覺係好寬敞嘅，可能因為放咗好多圓形嘅鏡，變相放大咗個空間感，環境又舒服。之後聽隔離嗰位介紹出名花膠大筒骨同埋一百斤蕃茄湯底所以就各自叫咗一煲，老老豆豆就銅鑼灣嘅價錢，$32一個麵真係抵到爛之後仲叫多咗杯嘢飲，小食同埋叫咗勁多餸先講飲品，落咗單之後五分鐘內送到，時間不過不失飲品方面：荔枝乳酸 🥤價錢/賣相/食神指數6/7/8飲品佢可以畀當係出面飲品台式餐廳咁，係咁加料落去（每份加五蚊）嗰陣嗌多咗個寒天QQ, 配埋荔枝乳酸勁夾唯一可以改善嘅係甜咗少少😂隔咗十幾分鐘之後，就到主食同埋小食。佢真係成個鑊咁出嚟，有啲似去韓式餐廳食嘅鑊。主食：36小時熬花膠大筒骨湯配薯粉＋勁大條 松葉蟹棒＋鮮蝦雲吞＋芝士腸🍲價錢/賣相/食神指數8/7/8.5（湯底＋10000分）先講咗個大鑊麵，個湯底應該係我寫呢篇食評嘅最主要原因！痴線地勁濃！！！小弟平時係絕對唔會食花膠或者飲花膠湯嘅人我會覺
話說有日行過銅鑼灣，同行人士話之前食過呢間粉麵好好味。咁我見個名 大鑊，本住試伏嘅精神，咁就畀人帶咗入去。
一入去就有位冇戴眼鏡後生嘅侍應勁好禮貌，帶埋位又有幫手拉凳。
成間餐廳嘅感覺係好寬敞嘅，可能因為放咗好多圓形嘅鏡，變相放大咗個空間感，環境又舒服。
之後聽隔離嗰位介紹出名花膠大筒骨同埋一百斤蕃茄湯底
所以就各自叫咗一煲，老老豆豆
就銅鑼灣嘅價錢，$32一個麵真係抵到爛
之後仲叫多咗杯嘢飲，小食同埋叫咗勁多餸
先講飲品，落咗單之後五分鐘內送到，時間不過不失
飲品方面：荔枝乳酸 🥤
價錢/賣相/食神指數
6/7/8
飲品佢可以畀當係出面飲品台式餐廳咁，係咁加料落去（每份加五蚊）
嗰陣嗌多咗個寒天QQ, 配埋荔枝乳酸勁夾
唯一可以改善嘅係甜咗少少😂
隔咗十幾分鐘之後，就到主食同埋小食。佢真係成個鑊咁出嚟，有啲似去韓式餐廳食嘅鑊。
主食：36小時熬花膠大筒骨湯配薯粉＋勁大條 松葉蟹棒＋鮮蝦雲吞＋芝士腸🍲
價錢/賣相/食神指數
8/7/8.5（湯底＋10000分）
先講咗個大鑊麵，個湯底應該係我寫呢篇食評嘅最主要原因！痴線地勁濃！！！
小弟平時係絕對唔會食花膠或者飲花膠湯嘅人
我會覺得花膠湯勁好油，又黐立立咁
佢真係超濃勁好味，我係連碗湯底都飲曬先走
就知道係幾咁好味（ 好唔健康我知🙈）
對面嗰位就叫咗個 蕃茄湯底，都係一樣勁濃
佢係可以比你feel到，唔係用罐頭湯整
重點係松葉蟹棒，勁大條，大大啖咬落去配埋個湯底🤤不得了
小食：麻辣皮蛋（$18），炸雙丸（$26）
價錢/賣相/食神指數
7/7.5/8
譚仔三哥皮蛋係黑色，佢係透明嘅
加埋流心皮蛋黃，係好味嘅！
至於炸雙丸，唔知有冇食過十八座狗仔粉
似係佢個feel，炸過嚟嘅有少少脆皮
食落粒牛丸係會喺你口入面爆汁，好鬼正，請小心處理。
總結：
湯底完勝市面7成粉麵店，仲要開喺銅鑼灣旺區
價錢還算可以接受，少數高質餐廳
十分滿分嘅話總評分 8.5/10
（ 著西裝老闆勁靚仔J死＋0.5分）
張貼
