影片
更多
2016-04-06
656 瀏覽
難得去淘大搵完玩具精品，之後約9點3左右去地面店搵野食，離遠一望到有海南雞，我同女友都即刻叮一聲：「太耐無食海南雞了，就D間!」，結果最後留下唔好印象。舖頭門口標明11點關門，9點3時間應該算尚早掛。入到去，叫左個2人餐，有半隻海南雞加一客小食、一碟油菜同埋加兩杯野飲或湯。小食原本叫豬頸肉，不過落單後話無，最後叫左魚香肉餅，無揀分蹄(後來知原來其實都無)。$155蚊，晚餐算OK日間同價就貴左D。雞到，點知原來無薑蓉(我唔知係咪平時食左10幾年係咪唔正宗)，得蔥油、豉油、酸辣汁。雞肥，全部皮都肥到死食唔到落肚。飲品檸檬茶薄到.....睇怕又係入唔夠貨.....要慳D使之後邊食，邊有人入黎就開始精彩，第一對情侶入黎坐我旁邊，都係叫二人餐，無晒油菜，個男仔問伙計可以轉乜，伙計答：可以轉杯飲品，個男仔話個餐本身有包飲品，唔想要多杯，可否問下可唔可以轉其他野食。伙計話唔得，只可以轉飲品，我聽到真係想笑出來，食品轉飲品我知唔奇，奇就奇在本身有飲品，係都要逼人轉多杯飲品，其實好唔合理。 結果對情侶就無食走左。之後第二對入黎，同樣，無菜只限轉飲品，無豬頸肉，仲要無埋肉骨茶，結果又係走左。乜都無，O個時
舖頭門口標明11點關門，9點3時間應該算尚早掛。入到去，叫左個2人餐，有半隻海南雞加一客小食、一碟油菜同埋加兩杯野飲或湯。小食原本叫豬頸肉，不過落單後話無，最後叫左魚香肉餅，無揀分蹄(後來知原來其實都無)。$155蚊，晚餐算OK日間同價就貴左D。
雞到，點知原來無薑蓉(我唔知係咪平時食左10幾年係咪唔正宗)，得蔥油、豉油、酸辣汁。雞肥，全部皮都肥到死食唔到落肚。飲品檸檬茶薄到.....睇怕又係入唔夠貨.....要慳D使
之後邊食，邊有人入黎就開始精彩，第一對情侶入黎坐我旁邊，都係叫二人餐，無晒油菜，個男仔問伙計可以轉乜，伙計答：可以轉杯飲品，個男仔話個餐本身有包飲品，唔想要多杯，可否問下可唔可以轉其他野食。伙計話唔得，只可以轉飲品，我聽到真係想笑出來，食品轉飲品我知唔奇，奇就奇在本身有飲品，係都要逼人轉多杯飲品，其實好唔合理。 結果對情侶就無食走左。
之後第二對入黎，同樣，無菜只限轉飲品，無豬頸肉，仲要無埋肉骨茶，結果又係走左。乜都無，O個時只係9點半，老實講，星期二生意唔太好都明唔會入太多貨，不過真係無諗過得幾款菜式，可以無咁多樣。我只能夠讚老闆精打細算。其實咁樣真係好笨，明明要俾人工俾到11點，結果9點半就好似趕客咁樣，逼客要埋剩下的其他菜式。老實講，真係無下次，相信頭先走左O個兩對連第一次都未食到就判埋D間店以後死刑。
野食好味係重要，更重要係俾客人點到自己想食O既菜式，平日都已經係咁樣，好難想像假日晚上會唔會又係百無。
老闆，你真係做少好多生意，做壞自己個招牌。
後會無期。
張貼