影片
更多
2019-12-14
1846 瀏覽
「沾仔記」開正在「麥奀記」對面，不知不覺已經接近二十年了。想當年，見到這間名不見經傳的街坊格局雲吞麵店，竟然膽大包天，在當時香港最出名的雲吞麵店對面開舖，實在佩服。清楚記得當年開舖不久，竟然將雲吞麵減價至 $10 一碗，釜底抽薪，而對面的「麥奀記」則已經要20多元一碗；絕對是經典對決，兩者各有捧場客。唔知什麼原因，可能一向鍾情「麥奀記」對於廣東雲吞麵傳統的堅持：雲吞細細粒、一啖一粒；全蛋銀絲幼麵只有一小箸，食到最後一條，麵條仍然爽韌。又可能對於「沾仔記」的乒乓波雲吞不存好感 ⋯⋯ 總之，一直到今天，從未試過光顧「沾仔記」。不過，估唔到「沾仔記」竟然可以憑乒乓波雲吞打出名堂，越做越出名；繼重新裝修店舖門面及內隴，甚至在中環開了分店。更加估唔到，「沾仔記」竟然可以由2012年開始，連續七年獲得「港澳版」《米芝蓮車胎人美食推介餐廳》名銜，竟然比起「麥奀記」更厲害，究竟什麼原因？今日決定一試味道。大約10年前左右翻新後，小店的裝修比開業時已經光鮮了很多，不過，仍然有一點殘舊感覺。店內員工雖然全部都是上了年紀的婆婆，不過竟然有一份待客熱誠，甚至可以用簡單英語與外籍客人溝通！細閱雜誌訪問的剪報，原
唔知什麼原因，可能一向鍾情「麥奀記」對於廣東雲吞麵傳統的堅持：雲吞細細粒、一啖一粒；全蛋銀絲幼麵只有一小箸，食到最後一條，麵條仍然爽韌。又可能對於「沾仔記」的乒乓波雲吞不存好感 ⋯⋯ 總之，一直到今天，從未試過光顧「沾仔記」。不過，估唔到「沾仔記」竟然可以憑乒乓波雲吞打出名堂，越做越出名；繼重新裝修店舖門面及內隴，甚至在中環開了分店。更加估唔到，「沾仔記」竟然可以由2012年開始，連續七年獲得「港澳版」《米芝蓮車胎人美食推介餐廳》名銜，竟然比起「麥奀記」更厲害，究竟什麼原因？今日決定一試味道。
大約10年前左右翻新後，小店的裝修比開業時已經光鮮了很多，不過，仍然有一點殘舊感覺。店內員工雖然全部都是上了年紀的婆婆，不過竟然有一份待客熱誠，甚至可以用簡單英語與外籍客人溝通！
細閱雜誌訪問的剪報，原來「沾仔記」已經傳到第三代，由阿爺在五十幾年前的街邊車仔檔做起。不得不佩服第三代老闆的勇氣，20年前夠膽殺入中環，希望推高人氣。憑着努力，終於獲得認同。上OpenRice搜尋，原來九龍區還有四間雲吞麵舖，同樣以「沾仔記XX」為名，究竟有沒有關係呢？
餐牌簡單，只供應雲吞、鯪魚球及鮮牛肉。
鮮蝦淨雲吞(大)（$39）一碗六大粒，對比「麥奀記」的淨雲吞（$43），差價百分率比20年前拉近了很多；餐廳名氣大了，當然有本錢推高定價。清湯唔夠清澈，顏色偏向瘀啡；喝一啖，味道偏甜。雖然標榜用豬骨、大地魚及羅漢果熬湯，但實在無法品嚐到大地魚的鹹鮮香氣，羅漢果的清甜完全蓋過了其他湯料味道；偏甜的雲吞湯底失去了傳統廣東雲吞湯底的精髓。
鮮蝦淨雲吞(大)
$39
45 瀏覽
0 讚好
0 留言
可能是個人口味問題，亦可能是《米芝蓮》食評家的口味不同於中國人；始終覺得「沾仔記」的雲吞及不上「麥奀記」。今次沒有品嚐雲吞麵，唔知道廣東全蛋銀絲幼麵的質素如何，但望見隔離位西裝友食緊的雲吞麵，單憑肉眼觀察，相信麵條質素非常一般。
張貼
