影片
更多
2015-06-07
533 瀏覽
親友問我有冇興趣星期六晚食飯。有飯食，當然食。經過一輪討論，話想食潮州菜。有咗方向，就開始想去邊間食。上環個間？九龍城個幾間？唔好搞啦，我最怕冇位泊車，仲最憎D代客泊車，將D車泊滿馬路兩旁，因為對所有道路使用者都構成危險！百樂，以前經過銅鑼灣的老店門口，看見掛在櫥窗的大紅蟹，印象很深刻，不過冇幫襯過。點解？因為被門口的氣派震懾了。這幾年，百樂開始開分店，不過還是無緣吃上，試過星期日中午在圓方想walk in，不過全店滿座，門口靚女善意提點客人都是剛坐下的，咁自己醒目啦。今次選這分店，交通方便嘛！我又有停車場，提前訂檯，咁就唔洗驚冇位啦。打開餐牌，里面有很多時價的菜式，不過也有很多是明碼實價的。我開張名義已經申明呢餐飯系唔會有凍蟹同鮑參翅肚的，大家不要心存幻想！今天“宴請”的小主角其實是半個潮州人，不過小朋友并不知道潮州菜食D乜，但是她的記憶里面有一樣嘢，糖醋麵。讀完“書”，開始點菜啦！第一味，煙鱔。不過侍應生說：“對唔住，這個沒有。”這個是店的signature dish bo，點解會冇ga？ 咁，就唯有忘記它吧！好彩以下的都有：檸檬鴨湯、鵝片、石榴雞、雲耳浸勝瓜、蠔仔粥、糖醋麵。
有咗方向，就開始想去邊間食。上環個間？九龍城個幾間？唔好搞啦，我最怕冇位泊車，仲最憎D代客泊車，將D車泊滿馬路兩旁，因為對所有道路使用者都構成危險！
百樂，以前經過銅鑼灣的老店門口，看見掛在櫥窗的大紅蟹，印象很深刻，不過冇幫襯過。點解？因為被門口的氣派震懾了。
這幾年，百樂開始開分店，不過還是無緣吃上，試過星期日中午在圓方想walk in，不過全店滿座，門口靚女善意提點客人都是剛坐下的，咁自己醒目啦。
今次選這分店，交通方便嘛！我又有停車場，提前訂檯，咁就唔洗驚冇位啦。
打開餐牌，里面有很多時價的菜式，不過也有很多是明碼實價的。我開張名義已經申明呢餐飯系唔會有凍蟹同鮑參翅肚的，大家不要心存幻想！今天“宴請”的小主角其實是半個潮州人，不過小朋友并不知道潮州菜食D乜，但是她的記憶里面有一樣嘢，糖醋麵。
讀完“書”，開始點菜啦！第一味，煙鱔。不過侍應生說：“對唔住，這個沒有。”這個是店的signature dish bo，點解會冇ga？ 咁，就唯有忘記它吧！好彩以下的都有：檸檬鴨湯、鵝片、石榴雞、雲耳浸勝瓜、蠔仔粥、糖醋麵。其實我好想食馬友魚，不過我估他們不懂得欣賞馬友魚的味道！費事到時只有我一個人食，馬友魚油分重，一個人未必能KO，咁就唔好啦。菜單上有好多傳統的潮州菜，不過今天D飯腳唔系合適人選，留待以後吧！
上菜程序有D錯亂，第一味上的是勝瓜。勝瓜，我家的處理是皮只削掉稜的部分，口感會脆些，不過食肆的處理，通常是全削掉。這種菜式，不會做得不好吃。既然只有這碟餸，咁就起筷啦。好快脆，檸檬鴨來了，阿姐在分湯的時候，大讚炎炎夏日，這湯好，比胡椒豬肚湯更合適，冇咁燥。湯渣撈上來，是四分之一只鴨。咁我地就順便教下D晚輩，檸檬是鹹檸檬啊！你回家自家制作，不要搞錯啊！
應該跑第一的鵝片來了！這樣的名氣老店，鹵水不可能不ok，否則怎樣經營幾十年，不過刀工就差咗DD，片得唔系好靚仔，仲黐刀添，好在都系自己人食飯，如果是請客，就唔系幾好啦，尷尬嘛。
飲下湯、食下瓜、食下鵝片，蠔仔粥來了，蠔仔細細粒，漲卜卜，里面還有香脆的方魚碎，一窩粥，一人兩碗，份量剛剛好。請親戚食潮州菜，冇鮑參翅肚又冇凍蟹，咁都整番D吸睛菜式啦，石榴雞，賣相一定得。又有一定的手藝，食得又睇得。
我地好忙咁食緊嘢，我身後有D擾攘，我冇後眼睇唔到，不過原來是伙計上錯菜，後面那桌人拒絕了我地的糖醋麵，搞咗一陣，我地終于討回晚輩最想吃的糖醋麵。應該還是用煎的方法來處理兩面黃，有一份堅持！糖、醋就自便了，味道自己控制。
整頓飯下來，舒舒服服，味道及格以上，唔知道伙計點解唔俾功夫茶我開胃、解膩，開頭冇，之後都冇，可能覺得我唔系 ga gi noun 掛。
環顧旁邊的食客，老中青結伴而來，可能都是家庭聚會多。
埋單結帳，唔洗一千蚊，百物騰貴，我控制 “筆直”算系咁啦。食飯仲有飛行里數ga。一舉兩得，現在做事要多功能嘛！
張貼