宮崎肉本舖 (已結業)

今日唔洗加班，同事帶我去附近宮崎肉本舖happy hour。店內好寬敞，大大既落地玻璃窗望住維園景，遠眺部份海景，令人心曠神怡。我哋每人各自都叫左一個happy hour set, 有以下食物（份量係兩份加埋）。日本枝豆：放到上枱嘅時候，仲有煙飄出黎，熱辣辣加分。枝豆新鮮。佢加咗少少鹽調味，帶出枝豆本身既味道。A5宮崎牛餃子：牛味香濃，又唔會成口油。餃子皮薄，餡料滿滿的。炸鵪鶉蛋串：唔知幾多年冇食過鵪鶉蛋。喺呢度竟然食到。仲要用炸呢種方法，真係第一次食。天婦羅盛盒：估唔到咁豐富，有南瓜片，原粒細番薯，冬菇同埋小青椒。天婦羅粉做得好薄，炸得好酥脆，唔覺有油膩感。冇用太多嘅調味，仲識食到蔬菜嘅鮮甜味.蒜片A5宮和牛粒：最期待嘅item出場！和牛粒咬落好林，好易咬開，好juice。欣賞廚師控制個生熟程度啱啱好。牛香充滿口腔。Asahi啤酒：個人覺得asahi係最好飲嘅啤酒！酒味唔會太濃烈. 易入口. 唔覺唔覺就飲晒成杯。做完嘢，喺度放鬆吓，同朋友摸吓酒杯底，真係唔錯。