紅粉佳人 (已結業)

食過Pink Salmon好多次，寫食評還是第一次呢！今次因為有openrice嘅coupon，所以我哋有免費三文魚刺身食哦一直覺得pink salmon係一間平靚正之選，有水準，價錢又合理，所以就算地點唔就腳都會定期嚟食dinner!set-dinner經常都轉款，不過我發現牛仔骨同德國豬手就長期都穩拈一席位，今晚竟然見到豬仔脾喺set-dinner出現，好耐無見喇喎，就揀了豬仔脾同牛仔骨，記憶中之前食過一次牛仔骨覺得麻麻哋，今次再叫睇吓點先，味道其實係OK的，不過好似好多肥肉咁，相比之下，我都係鍾意豬仔脾、雞扒同埋魚多D！甜品試了apple crumble with ice-cream，味道其實幾好，又唔會太飽肚，不過同我想像中的賣相有Ｄ唔同 另外要了blueberry cheese cake，呢個之前食過架喇，不過佢D cheese cake真係整得唔錯，雖然食完主菜已經好飽，但係估計個胃都仲擺得落件chees cake(因為size唔係好大)，有位唔好徙嘛！最後以一杯咖啡為呢個晚餐劃上完美嘅句號！