影片
更多
2012-11-13
123 瀏覽
壽司連鎖店，但係每間質量同味道都會有好大分別。食過好多間元氣，暫時最滿意既係黃埔、尖東、銅鑼灣、觀塘 APM、佐敦、旺角朗豪坊分店囉。是晚食自己，一個人外賣啦 ﹗心情唔多好，要勁食壽司、勁食刺生減壓 ﹗都係第一次買元氣外賣，食野當然係堂食最好味 ﹗炸墨魚咀，炸得香脆，墨魚咀爽口帶嚥靭，加點鮮檸汁更添鮮味又可以除去油膩膩感覺，好味 ﹗軟殼蟹手卷，紙菜以獨立密封式膠包裝，為保持其脆口質感，外賣直到進食時唔會腍劈劈，好細心。不過要自己卷都幾麻煩，我都雞手鴨腳先卷好個手卷，仲搞到一地都係。軟殼蟹炸得乾爽脆口，肉質鮮嫩，蟹肉味濃、蟹膏甘香，多年都保持高質數。加上千島醬份外醒胃，又可減低油炸感 ﹗好味 ﹗每次必食軟殼蟹。壽司飯雖然過份黏口、濕氣較重帶淡淡醋香，都算合格啦。燒牛肉壽司，牛肉味濃亦好 juicy 配上生蔥同吃，特別惹味 ﹗我一向都唔食蔥，但依個一定要食 ﹗特大蟹柳壽司，我誤會左係千兩巨形蟹棒添，完全係兩回事 ﹗蟹柳偏甜，味道十分假，我唔係要依啲呀 ﹗海膽軍艦，唔好比佢既外表欺騙到呀 ﹗仲以為全部係 完整一片片既上等馬屎海膽，原來上面就一片片，下面就墊住海膽漿糊，非常黏口，味道濃郁沉實似
壽司連鎖店，但係每間質量同味道都會有好大分別。食過好多間元氣，暫時最滿意既係黃埔、尖東、銅鑼灣、觀塘 APM、佐敦、旺角朗豪坊分店囉。
是晚食自己，一個人外賣啦 ﹗心情唔多好，要勁食壽司、勁食刺生減壓 ﹗都係第一次買元氣外賣，食野當然係堂食最好味 ﹗
炸墨魚咀，炸得香脆，墨魚咀爽口帶嚥靭，加點鮮檸汁更添鮮味又可以除去油膩膩感覺，好味 ﹗
軟殼蟹手卷，紙菜以獨立密封式膠包裝，為保持其脆口質感，外賣直到進食時唔會腍劈劈，好細心。不過要自己卷都幾麻煩，我都雞手鴨腳先卷好個手卷，仲搞到一地都係。軟殼蟹炸得乾爽脆口，肉質鮮嫩，蟹肉味濃、蟹膏甘香，多年都保持高質數。加上千島醬份外醒胃，又可減低油炸感 ﹗好味 ﹗每次必食軟殼蟹。壽司飯雖然過份黏口、濕氣較重帶淡淡醋香，都算合格啦。
燒牛肉壽司，牛肉味濃亦好 juicy 配上生蔥同吃，特別惹味 ﹗我一向都唔食蔥，但依個一定要食 ﹗
特大蟹柳壽司，我誤會左係千兩巨形蟹棒添，完全係兩回事 ﹗蟹柳偏甜，味道十分假，我唔係要依啲呀 ﹗
海膽軍艦，唔好比佢既外表欺騙到呀 ﹗仲以為全部係 完整一片片既上等馬屎海膽，原來上面就一片片，下面就墊住海膽漿糊，非常黏口，味道濃郁沉實似壽司蟹膏，無海膽鮮味、無海水味 ﹗怪怪的 ﹗不推介。珍寶帆立貝壽司，幾好喎 ﹗大大隻帶淡淡甜甜，再鮮甜點就更好，口感軟墊，係個壽司飯差囉，黏口又硬實。魷魚壽司，不過不失啦。
三文魚壽司，一般三文魚略瘦，魚脂欠奉，味道還可以啦。赤貝壽司，略為淡口，同勁鮮甜既活赤貝無得比，一試無妨。甜蝦壽司，比想像中好，既滑且爽。
油甘魚刺生，咁瘦既 ？魚脂欠奉，肥美不足，顏色暗啞，味道好淡、質地硬淨，失望啊 ﹗食過靚既油甘魚理應魚油魚脂超爆，魚肉亮亮的帶光澤 ﹗魚味濃郁，口感滑溜 ﹗依家真係天淵之別 ﹗
三文魚刺生，不過不失啦，唔夠肥美呷，脂肪紋又幼又少，好淡既甜味。
這頓一人前日式晚餐多謝 HKD260 有找，又要等又要自己攞外賣，味道又一般，不值不值。
張貼
