Mazazu Crepe (已結業)

放工前一刻，經已到左心力交粹既時候，好肚餓.....同事C提意食Mazazu Crepe！相當好，小妹初次嘗試Mazazu Crepe，充滿期待呀~~~~~去到門口淨係見到好多款既Crepe display，都已經好吸引，加上有陣陣蛋香味！未食都已經流晒口水喇....Crepe既款式好多，有甜有咸，亦可以自由配搭，因為太多款式既關係，好難決擇要邊款，十五十六之際......女店員service好好呀，好主動推介Brownie配可可醬俾我地，我就揀左士多啤梨做配料，同事就揀左香蕉，可以分別試兩種不同既口味！pancake 皮好薄好煙韌，仲有陣陣蛋香味~~~So nice！Bownie 有濃濃朱古力味道，而且Brownie入口仲係暖暖地同脆脆地架！再配埋士多啤梨、忌廉同可可醬，口感豐富，好配搭既組合。因為我地order要少d忌廉，所以食落唔係太甜太"溜"，味道岩岩好呀！個Crepe食到最後一啖底部都仲有忌廉同可可醬架，證明落足料！食完真係好飽同好滿足呀~~~~