Three Dice Kitchen (已結業)

我一向都好想試分子料理，今次經過見到間餐廳係可以食到好特別嘅野食，而且唔使排隊，所以決定入去一試。一見餐牌，其實一個晚市套餐對於分子料理黎講一啲都唔貴，平均七八十蚊就可以有個套餐包嘢飲，真係最好抵食㗎。我哋叫咗個套餐就係慢煮啤酒牛。呢個套餐包括咗好多前菜，其中有蜜瓜蓉配pama ham，食落去真係好舒服，第一次食蜜瓜蓉，一咬落去可以溶喺口度。另外仲有三色菠蘿配帶子，原來佢係以三種唔同味道嘅菠蘿做配搭，估唔到配合帶子有種清新嘅感覺， 好味 !仲有個小食就係豆腐， 佢介紹嘅時候話原來嗰個唔係豆腐，係用粟米加埋其他材料配搭，食上好似好似同豆腐一樣嘅口感，佢配合咗夏威夷火山岩鹽同埋wadabi。有個最特別嘅就係膠袋裏面有蝦米同肉鬆， 佢係可以連埋膠袋食，再配合佢自家製嘅昆布湯，呢種配搭有意想不到嘅好味。主菜方面，我哋個慢煮牛其實都好好味㗎， 啲牛紋咗好耐，所以特別軟身。 另外我哋仲叫咗個黑松露雞胸，平時雞胸都唔會好滑，但係今次佢煮雞胸的熟度啱啱好，所以好嫩口，配埋黑松露醬真係好好味。 最後我哋叫咗個甜品係水晶球 ，水晶球配合旁邊嘅 花生粉同埋醬汁 估佢唔到會咁好味。同埋佢嘅甜味唔算太重，所以算