影片
更多
2009-06-02
7 瀏覽
同家人吃飯，呢次來到土瓜灣，幫襯之前從未幫襯過的「大漠」試試呢度的新疆菜！來之前未有訂位，見店子小小，當侍應問有無訂位嘅時候，都有d擔心會唔會冇位，好彩，都仲有。連隨坐低，拿著餐牌看了一會，點了幾味，試試呢度嘅新疆羊肉先。先來兩份（四串）烤羊肉串，再來一個侍應同餐牌都推介的「鎮店清真古法極品燒羊鞍」，加多個菜「炒什菌」同「大漠廚師炒飯」（本來諗住叫羊肉炒飯的，不過屋企人唔想味味都係羊，於是咪轉左呢個囉）。炒什菌先到，味道稍嫌淡了些，炒飯跟著來到，配料係一些小蝦同雞肉，食落冇乜特別，只係普通嘢。不過冇所謂啦，來得呢度食新疆菜，梗係羊肉先係主打啦。烤羊肉串同燒羊鞍終於到啦！羊肉串份量都幾夠，加埋d另上嘅孜然粉同香料，味道都算唔錯！至於個羊鞍，老婆仔嫌佢生左d，我自己就覺得微帶粉紅色的羊肉，半生半熟，幾嫩口，整得都算唔錯。我地幾個人食完枱上的食物，見個肚仲有位，意猶未盡，於是再拿餐牌看看，見有個「鮮什果炒鴨胸」好似都幾好，親親咁話加碼再斬四兩啦。過左冇幾耐，呢個菜來啦，原來好戲在後頭，呢味餸比d羊仲正，賣相雖然唔算靚，不過d水果（有蘋果、奇異果等）同鴨胸，在酸甜度調得恰到好處的醬汁配搭下，中
先來兩份（四串）烤羊肉串，再來一個侍應同餐牌都推介的「鎮店清真古法極品燒羊鞍」，加多個菜「炒什菌」同「大漠廚師炒飯」（本來諗住叫羊肉炒飯的，不過屋企人唔想味味都係羊，於是咪轉左呢個囉）。
炒什菌先到，味道稍嫌淡了些，炒飯跟著來到，配料係一些小蝦同雞肉，食落冇乜特別，只係普通嘢。不過冇所謂啦，來得呢度食新疆菜，梗係羊肉先係主打啦。
烤羊肉串同燒羊鞍終於到啦！羊肉串份量都幾夠，加埋d另上嘅孜然粉同香料，味道都算唔錯！至於個羊鞍，老婆仔嫌佢生左d，我自己就覺得微帶粉紅色的羊肉，半生半熟，幾嫩口，整得都算唔錯。
我地幾個人食完枱上的食物，見個肚仲有位，意猶未盡，於是再拿餐牌看看，見有個「鮮什果炒鴨胸」好似都幾好，親親咁話加碼再斬四兩啦。過左冇幾耐，呢個菜來啦，原來好戲在後頭，呢味餸比d羊仲正，賣相雖然唔算靚，不過d水果（有蘋果、奇異果等）同鴨胸，在酸甜度調得恰到好處的醬汁配搭下，中和了鴨胸的肥膩感，非常醒胃，可算是整晚中最令人驚喜的一道菜式。
呢間小店細係細左d，不過裝修陳設都幾有少數民族風味（連廁所都有呢！），價錢雖比附近的街坊小店貴上一截，以特色食店來講，都算ok嘅。
張貼
