Maison Beirut

平時食慣咗中日韓菜，今次想試吓不一樣嘅菜式。喺OpenRice度搵到呢間餐廳，主打黎巴嫩菜，好特別，以前都未試過。呢間餐廳喺將軍澳藍塘傲嗰度，餐廳望海，感覺都好舒服，餐廳入面播放住民族歌，而且裝修好有異國風味，感覺都唔錯。由於第一次食黎巴嫩菜，我叫店員幫忙推薦一些招牌菜給我。店員態度招呼都很好，細心介紹他們的招牌菜。黎巴嫩菜同印度菜都幾相似，調味料豐富，首先試咗佢哋嘅松露鷹豆豆蓉，中間有啲橄欖油，豆蓉食落酸酸地，覺得都幾開胃，而且配備薯片同埋麵包，覺得好夾。之後仲試咗佢哋推薦嘅慢煮羊腿同埋慢煮牛肋條，牛肋條冇骨，口感好腍身，醬汁酸酸甜甜，都幾好下飯。 慢煮羊腿，肉質比較瘦，啱晒要健身嘅朋友，而且份量好多，我哋兩個人都食唔晒。