影片
更多
2017-11-28
5080 瀏覽
幾年前係呢個位食過放題，點知而家轉左打邊爐，咁附近都無咩任飲任食打邊爐，咁就試下啦！星期日價錢貴d,仲要只收現金，如果要食就真係要帶夠錢先得！個入口真係比較隱蔽，不過都有搭，一入到去 地方真係好細，得10張枱都唔知有冇，好彩啱啱有人走，有張卡位可以坐，既然有位就試下啦，仲要不限時喎！原來可以食完個雞煲，之後再揀個湯底黎打邊爐，不過無試到個雞煲，叫左個花膠濃湯雞啦！都好多花膠，隻雞都煲到好淋，但味道略嫌淡左d，口9鍾意咁濃味嘅應該都會幾鍾意先黎一個海鮮拼盤，有蝦，青口，蜆，鮑魚，魷魚，鱔片，龍躉片等等雖然同張紙所寫嘅海鮮有分別，可能因為無晒而攞第二d黎填補啦！但都可以接受嘅有部分海鮮係無得再加嘅，但龍躉片，鱔片都可以再添加，呢2樣都好食，d肉都唔會好淋好散，都添加左2次仲有響鈴即刻炸起攞出黎，都好好食，仲有魚皮都唔差肉類方便，牛小排肉質幾好，好食，添加左幾次但羊肉就比較騷飲品方面比較少款，得可樂，加多寶，道地烏龍茶最多，連蜂蜜綠茶都無啦啦得1罐，仲有自家製羅漢果茶，都幾好飲甜品方面得1款，但唔係普通雀巢，牛奶公司雪糕總括黎講，如果想打邊爐又唔想比人趕，呢間無限時係幾好，但如果多人就一定
星期日價錢貴d,仲要只收現金，如果要食就真係要帶夠錢先得！
個入口真係比較隱蔽，不過都有搭，一入到去 地方真係好細，得10張枱都唔知有冇，好彩啱啱有人走，有張卡位可以坐，既然有位就試下啦，仲要不限時喎！
原來可以食完個雞煲，之後再揀個湯底黎打邊爐，不過無試到個雞煲，叫左個花膠濃湯雞啦！都好多花膠，隻雞都煲到好淋，但味道略嫌淡左d，口9鍾意咁濃味嘅應該都會幾鍾意
先黎一個海鮮拼盤，有蝦，青口，蜆，鮑魚，魷魚，鱔片，龍躉片等等
雖然同張紙所寫嘅海鮮有分別，可能因為無晒而攞第二d黎填補啦！但都可以接受嘅
有部分海鮮係無得再加嘅，但龍躉片，鱔片都可以再添加，呢2樣都好食，d肉都唔會好淋好散，都添加左2次
仲有響鈴即刻炸起攞出黎，都好好食，仲有魚皮都唔差
肉類方便，牛小排肉質幾好，好食，添加左幾次
但羊肉就比較騷
飲品方面比較少款，得可樂，加多寶，道地烏龍茶最多，連蜂蜜綠茶都無啦啦得1罐，仲有自家製羅漢果茶，都幾好飲
甜品方面得1款，但唔係普通雀巢，牛奶公司雪糕
總括黎講，如果想打邊爐又唔想比人趕，呢間無限時係幾好，但如果多人就一定要book位喇，有幾間房可能係食私房菜，出面枱都比較少，所以想食最好早d book枱，價錢方面我就覺得貴左d喇，平番d好d
張貼
