上海婆婆 (已結業)

星期六同朋友仔行街，因為星期六好多人，所以早小小食野。六點左右入去，唔使等位。叫野食。蒜泥白肉（右上），好好味，蒜好香濃，岩哂喜歡濃味既人！上面既粉皮都ＯＫ！不過隻蒜味好long lasting，返屋企刷完牙之後都仲係到。婆婆擔擔面（左下），湯好多，面份量有點偏少，兩個女仔Share都ＯＫ，男仔應該唔夠啦。幾好味，雖然MENU寫辣但一D都唔辣。上湯小龍包（右下），餡幾好，多汁，但個皮普通，呢款唔試都唔會可惜。講下環境，幾闊坐得舒服。不過service真係麻麻，侍應上菜雖然快手，但大力地放，態度好茶餐廳。overall蒜泥白肉係最出色的，笑臉係比個蒜泥白肉，朋友請客唔知幾多錢xdd，會有下次。食完出去未夠七點，已經好多人等位。又真係幾好味既！