方叔叔重慶老火鍋 (如心廣場一期)

營業中

休息中

一心係諗住去食重慶火鍋，可以辣下過下隱，所以揀左呢間話係＜重慶火鍋＞試下。叫左個 鴛鴦鍋，皮蛋芫茜同辣味火鍋。食落完全唔係果樣野😤嚴重懷疑自己係唔係真係食緊重慶火鍋，完全唔辣。求其去間台式火鍋食都辣過距，叫個三哥重慶辣米線都辣過距十倍，超級超級失望。無諗過係香港食到咁差既火鍋。最大問題呢個重慶火辣放左d咩油去煮，我個碟d油凝固左一團團油係度，吓死我，每次食一食，d油凝固就成層厚痴住個碟，我換左起碼4個碟。問職員點解會咁樣，從沒試過食辣既火鍋會出現咁既情況。職員解釋話距地開左6年，係用牛油去煮成。我琴晚真係食左好多油係個肚度😭😰😭。食完反到屋企即刻肚痾，成晚都訓得好差。今朝起身感覺身體有堆油係我肚度。難受😓。其實呢間野真係唔平，2個人食左805蚊，都無食到d咩貴野，除左個牛小排，其他材料都係一般普通蔬菜食材，超級唔抵食。真心唔會差到咁我係唔會咁得閒係度寫負評，只係希望大眾消費者唔好中伏。真係未試過係香港食到咁差既火鍋，都唔知到食左幾多油係肚度🥲🥲。唉。今次真係卑錢食難受。