譚仔雲南米線 (已結業)

同朋友係旺角行完街諗住搵個地方食個簡單既晚餐 因為聽日仲要返工 加上我地掃完街 都叫做有少少野落過肚 咁我就提議去附近既譚仔食 咁我就嗌左個腩肉十小辣 加杯凍檸水 我其實都幾鐘意食辣 不過又唔食得太辣 有時都覺得自己幾矛盾 入返正題先 通常食譚仔我都鐘意飲啖湯先 因為真心覺得佢個湯底同辣好食 所以先咁鐘意食 個湯都係如常咁好食 之後就到食啖面 一入口 嘩點解咁淋既 口感唔太好 再食埋個腩肉 今次個腩肉賣相已經麻麻 再食入口有 d 偏咸 肉質感覺好差 問問朋友覺得佢果碗點 佢叫左雞肉 墨勺小辣 佢第一個反應係話 鐘意食三哥多 d 我一開始覺得兩間感覺差唔多 今次體驗之後 我諗以後都係食三哥會好 d 反正兩間店周圍都有