牛一 (元朗廣場) (已結業)

秋天起，係時候打邊爐了，約左2個好友一齊第一次來呢間嘢打邊爐，以往都係去開酒樓打，今次嘗試去下呢間打下啦，價錢都係200蚊樓下，加上有openrice優惠券，仲平幾十蚊，其實嘢食種類唔算好多，丸都係得幾種，無魚，蟹柳，有芝士腸，腸仔，豆卜仔，菜都算ok，最特別係有雨衣甘藍，望落好似好怪咁，好似人地酒樓小菜既圍邊，食落又ok，唔算講話好難食，有好多嘢食都無，唔同酒樓咁咁多嘢食，飲品都算ok，汽水唔係一罐罐，係汽水機出既，好多紙品飲（例如有竹䉀茅根，陽光蜜桃茶）無試過甜品，上菜速度都算快，收嘢時員工會睇下有無剩肉，特別係可以用平板點肉類，我哋點咗178既套餐，食到差唔多有人提醒，由於我地個爐遲左10分鐘先到，職員加返比我哋，整體來講都算係滿意