鮨蕾 (已結業)

今個月得一日同同事出去食lunch，同事話有間廚師發辦的餐廳好想試下，所以佢就訂定位帶我黎食。餐廳位於V Point 22樓，所以望出去窗外就是維港景色，平時通常夜晚先黎，今次下午黎又別有一番風味，令人不斷看出面的景色。這間餐廳lunch都有廚師發辦的套餐，所以同事點了「澤 Omakase」套餐，而我就點左一個花之盛合。這裡的套餐都包括了前菜、蒸蛋、漬物、味噌湯、甜品同飲品。前菜為茄子，茄子上有點木魚，帶有少少咸味，能夠清清味蕾。蒸蛋好滑，內有白果和冬菇。「澤 Omakase」($780)，第一次食咁貴既lunch，不過加埋景同埋廚師發辦，價錢都值得的。深海池魚刺身，這款魚肉質較爽口，配上酸汁一齊食令魚的鮮味更出!北海道帶子配牡丹蝦，而下面是蘋果木煙燻吞拿魚。上面的帶子和牡丹蝦新鮮鮮甜，而吞拿魚食落去有好陣蘋果木煙燻的味道，再加上吞拿魚配上廚師秘製的酸汁，所以食落去口感好特別!北海道仙鳳趾生蠔，嘩!呢個生蠔有成隻手掌咁大，食落去有海水味之餘又帶點金屬味!拖羅壽司、吞拿魚蓉海膽壽司、廚師特製秘製醬汁拖羅壽司，拖羅入口即溶，吞拿魚蓉配海膽鮮甜而口感豐富，而廚師秘製醬汁的拖羅壽司味道特別，能