混亂 STEAK (已結業)

今日約咗同事去試食依間個牛柳，之前聽佢地話都唔錯幾好食...今日未夠12點大家就去到等位等佢開工，點知個鐵板根本就唔夠熱...汁加上去都無咩反應...食落個牛柳就一般，生熟度都可以接受，但只是暖暖的...鐵板唔夠熱非常失敗...好快我嘅牛柳已經無熱嘅感覺，口感未至於好軟，牛味都麻麻...唔覺好重牛味...總體嚟講都係令人好失望，用$111食lunch諗住可以食到個有點質素嘅牛柳，點知非常失望😞重點係我最怕食物唔夠熱....後來聽我同事講佢地無之前新開咁好食，水準差咗好多，佢個份都同我一樣...好似話之前做開嘅人調哂去第二間新鋪，所以而家轉哂新人嚟...食物質素同煮食都唔得...重點係我地都等咗好耐先有得食，但竟然都係鐵板唔夠熱...一攞時重見到牛柳上嘅蒜蓉掉哂落個托盤到...好求其好唔得！同事都話唔怪得而家少咗咁多人食...原來食物質素差咗好多！只想講一句，無下次！