影片
更多
2020-10-17
118 瀏覽
星期六同幾個朋友喺銅鑼灣，上星期試過牛大人超有驚喜，今個星期想食放題，瀛豐，大瀛喜都滿哂坐，竟然比我地見到滿屋可以即時Walk In。滿屋呢個名我細細個就聽過，喺港島讀中學，細個出去銅鑼灣食放題，都冇人會唔識呢一間嘢。喺一個有圖有真相嘅時代，真係好抱歉，我只係影咗一張刺身相。講返滿屋入座食足兩個鐘，時間都夠，但係甩單。佢哋都有啲海鮮，可以喺出面自己夾，有蝦，蜆同翡翠螺都叫做夠凍嘅。 仲有嚇人嘅麵包粒花枝丸。但佢都有夠熱嘅春捲同埋芋蝦，仲有中華沙律呀，明太子、雞翼(燶味)、湯同菜畀你自己夾都叫做有啲熱食。食放題就梗係食刺身都叫做基本刺身都有齊嘅，三文魚、吞拿魚，榮螺，蝦都有兩款， 但鮑片真係唔建議食啦。食完刺身，迎黎今晚嘅高潮。 首先登場嘅係有完全唔熱嘅天婦羅，由脆鱔整成嘅燒鰻魚，鹹嘅西京燒，厚切唔辣嘅麻辣豬耳，凍咗嘅燒牛脷， 經歷核爆燒到燶曬嘅燒番薯仔。仲有唔熱既海鮮粥，又肥又漏嘅花膠雞， 見唔到象拔蚌嘅蜜糖豆炒象拔蚌，唔辣嘅豉椒炒蜆。至於壽司， 軟殼蟹卷真係飽經滄桑。坦白講我未試過食放題食到返到屋企都肚餓，滿屋除咗多嘢飲揀之外，朋友話最好食係中華沙律，芝麻雞翼， 同佢個包熱嘅麥精同雪
滿屋呢個名我細細個就聽過，喺港島讀中學，細個出去銅鑼灣食放題，都冇人會唔識呢一間嘢。
喺一個有圖有真相嘅時代，真係好抱歉，我只係影咗一張刺身相。
講返滿屋入座食足兩個鐘，時間都夠，但係甩單。佢哋都有啲海鮮，可以喺出面自己夾，有蝦，蜆同翡翠螺都叫做夠凍嘅。 仲有嚇人嘅麵包粒花枝丸。
但佢都有夠熱嘅春捲同埋芋蝦，仲有中華沙律呀，明太子、雞翼(燶味)、湯同菜畀你自己夾都叫做有啲熱食。
食放題就梗係食刺身都叫做基本刺身都有齊嘅，三文魚、吞拿魚，榮螺，蝦都有兩款， 但鮑片真係唔建議食啦。
食完刺身，迎黎今晚嘅高潮。 首先登場嘅係有完全唔熱嘅天婦羅，由脆鱔整成嘅燒鰻魚，鹹嘅西京燒，厚切唔辣嘅麻辣豬耳，凍咗嘅燒牛脷， 經歷核爆燒到燶曬嘅燒番薯仔。
仲有唔熱既海鮮粥，又肥又漏嘅花膠雞， 見唔到象拔蚌嘅蜜糖豆炒象拔蚌，唔辣嘅豉椒炒蜆。至於壽司， 軟殼蟹卷真係飽經滄桑。
坦白講我未試過食放題食到返到屋企都肚餓，滿屋除咗多嘢飲揀之外，朋友話最好食係中華沙律，芝麻雞翼， 同佢個包熱嘅麥精同雪糕，帶子都叫大粒，蝦都新鮮。
今晚呢餐我全程淨係飲咗三罐道地烏龍茶，食咗少少刺身，食咗少少海鮮粥同西京燒，就無野再Encore，真係失望又失敗。
唯一我覺得好食嘅就係佢個凍溫泉蛋我食咗兩碗。
張貼
