匠心燒味 (已結業)

新開呢間外賣燒味店，見到佢荔枝柴燒鵝只係$170 半隻，真係想試一試。因為平，所以對佢嘅期望細啲，但係咁平都ok 啦！點知性價比高，以我食慣一樂燒味嘅舌頭，雖然唔係脆皮鵝（買咗唔係即刻食，唔知係咪林左），但係肉質鬆軟，皮薄小肥，食落鵝油還算香！原本係去食現燒乳鴿($39)，最後重點變咗燒鵝。 乳鴿就瘦咗啲啦，可能外賣返去幾個鐘頭後先食啦，我都感覺唔到佢係咪紅燒。太好啦，附近有間咁好食嘅小店可以加餸！如果水準維持，應該可以成為我每周買外賣嘅地方。