柳氏家 (已結業)

柳氏家開咗咁耐, 真係一次都未食過。呢期帶飯多, 好少同同事食。今日難得同同事食, 佢哋好興奮咁話要再去柳氏家食。前2 日食過覺得好食! 去到要等位, 原來柳氏家LUNCH 有燒肉放題, 店員有問我哋係咪食放題, 我哋同佢表示咗係食SET, 之後佢都仲同我哋介紹放題食法, 原來佢誤會咗! 唔緊要, 當佢明白我哋食咩之後, 就問我哋食乜餐, 原來要門口即時落單 冇諗過要即時落單, 都未諗食咩! 好彩SET LUNCH 選擇唔多, 都快揀到!點完餐就安排入座, 先上泡菜, 都幾好食! 之後店員上咗同事個冷麵先。再等多5 分鐘就上埋我同另外3 位同事點嘅柳氏家辣雞撈麵。柳氏家辣雞撈麵撈麵本身偏辣, D 雞本身好好食, 但係D 麵係淥到淋晒糊晒, 好明顯係OVERCOOKED! 麵本身冇味, 同本身撈嘅味粉同辣粉分得好開! 溝唔埋! 好失望呀! 難食到食唔到, 我只係食晒D 雞同食咗少少麵就唔想再食! 推介我果位同事話佢前兩日食唔係呢個質素嘅! 既然咁講, 我會再俾機會柳氏家嘅!不過今次真係好失望囉!