Angry Oppa Restaurant & Bar (已結業)

星期日不用煮飯，個仔話帶我出去行街食飯，去到尖沙咀行The One，然後去（Angry Oppa）食正宗韓式火鍋，餐廳不太大，設計帶有韓風，未到食飯時間已坐滿了人客，應該是不錯，我今次不是食韓燒，而係食火鍋同拉麵試後都好有驚喜， 下次一定會同朋友來食。🥘因為用咗銅煲上枱，所以拉麵食個時，仲係熱辣辣，好夠味道。🍜韓式牛肉拉麵，湯底濃郁，配料相當豐富，當中有主角，牛肉、年糕、紫菜、芽菜、雞蛋等。一人海鮮火鍋，我哋加錢再添加咗一碟牛肉同其他韓式配菜，務求食到一個正宗的韓式火鍋，超正。腩肉芝士拉絲pizza，鹹香的腩肉加上好軟熟同厚厚的餅底，拿起時見到芝士拉絲的效果，真係好開心滿足。第一次食韓式一人火鍋，份量都好多，我哋仲叫咗一碟牛肉同魚糕串。韓式魚蛋湯，加埋魚糕串，韓國的魚蛋同我們香港的魚蛋，是有些不同，韓國的魚蛋帶有軟綿綿的口感。韓式鮮蜆湯，份量十足，好多蜆肉，加埋蔬菜煮，入口更鮮甜。迷你拉絲蝦pizza，賣相十分美觀，細細件餅底，軟軟熟熟好有咬口。韓式罐裝汽水，本人覺得比較甜一些，但有些果肉食，味道都很特別。