拉麵Jo (已結業)

今日中午難得黎Elements做野，緊係順便過埋黎食飯啦！最近有d鐘意左食拉麵，就揀左呢間試下。之前都有聽過下，等食時參考下其他食評先知原來係米芝蓮推介餐廳之一。見到好多人都食沾麵，我又點黎試下，反正我未食過。佢係用粗麵，非常彈牙口感好正。用黎沾麵個湯都幾好，又唔會太重口味。開始有少少愛上左沾麵。同行嘅朋友仔就點左個期間限定蝦拉麵，有櫻花蝦添呀！一拎埋台果下真係超香甜，而我試左一啖個湯底係okay嘅，但未有太大驚喜。整體其實幾好，只係愈食愈熱，我地都開始出汗啦。碗麵又未係咁熱，到底係開放式設計走左冷氣，定係今日真係太熱呢？