燒蝦蝦 (金福閣） (已結業)

成日見到人哋網上食呢個流水蝦，自己就會心郁郁，今日一於同朋友來試一試佢啦！餐廳裏面有好多長長嘅水池，裏面養住啲蝦，客人嘅位置就喺隔離，食嘅時候用長夾夾一隻，然後擺喺一個裝滿冰嘅筒裏面，將啲蝦凍暈就可以擺上燒烤爐燒㗎喇！講真夾嘅時候都有少少驚，因為啲蝦真係好生猛，成日都夾唔到，有時候都會跳起濺起啲水花，不過練習咗一兩次之後就好咗好多，其實都幾好玩嘅！即叫即燒嘅蝦唔使問都係超級新鮮，肉質好彈牙，就算唔使點咩嘢醬料都好好味！除咗蝦之外呢度仲有好多好新鮮嘅海鮮，例如鮑魚，生蠔，聖子魷魚蜆殼類等等琳瑯滿目！仲有一大條魚可以燒添，好得意呀！最重要係所有海鮮都好新鮮，我見店家係不停咁refill，絕對唔會有夾唔到野食既時候！除咗海鮮，呢度嘅肉類亦都係有好多，雞扒豬扒羊扒台灣腸等等你諗得出同諗唔出可以用來燒烤嘅嘢佢都有齊感覺十分之豐富！值得一提嘅係佢除咗燒烤亦都有一啲熟食，例如係炒飯呀，炸紫薯波波，炸雞塊等等如果嫌燒烤要等好耐可以用呢啲你填住個肚先！貼心嘅係佢仲會有麵食區，客人煮個出前一丁黎食，咁就一定唔怕食唔飽啦！飲品方面都好多種類，酒類茶類汽水類都有，最值得一提嘅係佢仲會有花茶，可以根據自己嘅喜好