鳳雛燉雞

營業中

休息中

復活節我揀左留港消費，難得既假期，我地去左旺角扭蛋睇玩具，行到好肚餓就搵下有咩岩食先，最後我地決定試下韓國過江龍- 鳳雛燉雞，因為見到人地d 相既冬粉好入味好正咁，加埋我最鐘意食既雞肉🤤🤤🤤睇到我流哂口水啦！一上到去係韓國人主理既，我地主要用簡單的普通話同英文溝通。芝士鳳雛燉雞（2人份量）咸咸甜甜既燉雞好足料，有大大份拉芝芝士、雞件、紅蘿蔔、薯仔、青瓜、洋蔥同冬粉，仲可以根據自己既喜好再加配料，而我地揀左唔辣，岩哂敏仔食呀，佢1人食左好多冬粉同芝士😂而蔬菜超入味，好好食。藍檸檬梳打食左濃味野，最岩飲返杯酸甜醒胃既梳打中和一下啦❕食評總結：燉雞第一次食，我都幾鐘意食，個醬係甜咸口味好岩小朋友同我😆加埋好有口感既冬粉好正，而餐廳環境都乾淨企理，播住Kpop mv 增加氣氛，可以再黎食。