影片
更多
2021-05-20
15419 瀏覽
好耐都冇食過燒肉喇 咁岩朋友又好想食 一諗就諗到牛角buffet 可以仼食100分鐘 即刻用app睇下book唔book位 聽講都好full下 有朋友食過話要早一個月book定下個月食就岩岩好喇 或者預早啲時間用app拎飛 咁就唔洗等咁耐喇我地book左平日晏晝五點半鐘 去到餐廳門口已經企滿左一堆人係度等位 好彩有book位 唔係應該會有排等 我地揀左中間價位既肉Lv.3 $318加一 一入到去餐廳都幾大 已經坐滿晒人 坐正中間個行 個距離同隔離其實都幾近 不過有塊好大既隔板隔住 同埋張枱都好大張下 餐廳係用QR Code自己落單 好方便 朋友就用電話落住單先 我就出去自助吧拎飲品同小食先 有啲前菜 關東煮 甜品 雪糕 仲有得自製牛角飯 聽講呢個係必食 唔可以唔試好快叫左啲肉已經到晒 多到張枱都唔夠位擺 仲有其他小食可以叫 有牛油金菇 牛油帶子 炸雞 章魚燒 燒年糕 朋友食左牛油金菇同牛油帶子都話好好味 好香牛油味 另外肉既我地每樣都叫啲黎試下 有牛 有雞 有豚 叫得最多係牛 牛都有好多款 有安格斯和牛牛板鍵 牛肋條 一口牛等等.....我地覺得一塊塊既牛係好食過一口牛 大部分都好ju
我地book左平日晏晝五點半鐘 去到餐廳門口已經企滿左一堆人係度等位 好彩有book位 唔係應該會有排等 我地揀左中間價位既肉Lv.3 $318加一
一入到去餐廳都幾大 已經坐滿晒人 坐正中間個行 個距離同隔離其實都幾近 不過有塊好大既隔板隔住 同埋張枱都好大張下 餐廳係用QR Code自己落單 好方便 朋友就用電話落住單先 我就出去自助吧拎飲品同小食先 有啲前菜 關東煮 甜品 雪糕 仲有得自製牛角飯 聽講呢個係必食 唔可以唔試
好快叫左啲肉已經到晒 多到張枱都唔夠位擺 仲有其他小食可以叫 有牛油金菇 牛油帶子 炸雞 章魚燒 燒年糕 朋友食左牛油金菇同牛油帶子都話好好味 好香牛油味 另外肉既我地每樣都叫啲黎試下 有牛 有雞 有豚 叫得最多係牛 牛都有好多款 有安格斯和牛牛板鍵 牛肋條 一口牛等等.....我地覺得一塊塊既牛係好食過一口牛 大部分都好juice好多肉汁 燒一陣已經食得 唔係既話會過熟 但一口牛就比較難燒 好難控制個火 好易會燒過龍 會燶會韌 冇咁好食 豚肉都唔錯 一大塊好薄身 又係燒一陣已經食得 啲肉好嫩滑
最後仲食埋個雪糕 今次雪糕既味道幾特別 幾啲我地食 一個係烏龍茶味 另一個係岩晒打卡既藍色雲呢拿味 仲有個係兩溝 佢係有筒裝或者碗俾你揀 另外仲有啲醬同配料俾你加落去 雪糕好重雲呢拿味 好好味
整體黎講 餐廳環境好大好舒服 係煙左少少 食物選擇多 有質素 價錢合理 值得一試
張貼
