肥哥車仔麵

營業中

休息中

見面不如聞名，老闆嘅氣焰好有老細嘅風範，唔會理你喜唔喜歡，總之佢覺得自己嘅出品系最好。油麵-正常野蘿蔔-的確係冇根，口感太淋豬腸-賣相非常一般，冇豬腸嘅香味，睇落仲以為係好瘦嘅鵝腸雞翼-肉質死死實實，只係靠佢嘅特製辣汁掩蓋味道，最離譜仲係凍嘅牛腩-韌，好似牛腩碎，得三四件，同老細反映。佢串串噉話，我哋係用新鮮牛腩嘅，你唔識食嗻湯底/秘製辣汁-根本就係洗腎系列，鹹到冇朋友，食過一次唔會再想食，食完口渴到冇朋友。純屬個人意見，可能我唔鍾意重口味。座位-我坐商場嘅走廊位，一望右邊另外一間鋪頭嘅廚房，就見到一塊老鼠膠板，上邊仲有好多老鼠屎。