花月庭 (已結業)

一家四口去咗旺角帝京酒店花月庭食自助午餐，連加一$2711位。 服務環境方面，服務好正常，食完收碟都好快，平日都好多人食呢間自助餐就有d驚訝，如果唔book應該冇得食。食物種類方面，基本沙律菜、茶一定有，海鮮會有墨魚仔、蝦、藍青口等，仲有即開生蠔，本人係唔食生野，身邊同伴話生蠔都ok,呢個價位有生蠔算唔錯。刺身同壽司都有幾款，味道正常。熱食方面，會有基本粉麵、粥。但熱盤款食真係好普通，有d失望。例如：咖哩雞、魚香茄子、腩肉炒西芹、蒜蓉蒸魚柳、忌廉意粉、椒鹽三文魚、所以食自助餐尼講吸引唔到我拎好多，好快就唔想拎。而且佢又冇pizza,點心得珍珠雞，好似真係款式小左d。甜品方面，呢到甜品有好多選擇，而今次自助餐係用芒果做主題，所以都有好多芒果甜品，我都拎左差唔多全部同朋友仔share食，個人覺得味道都正常，但未到好有驚喜，咁多樣甜品我覺得芒果伯爵茶拿破崙最好食。除左蛋糕外，呢到都有movenpick雪糕任食。所以我今次食自助餐食得最多係甜品😂😂😂整體尼講，$271連加一呢個價位同食物質素正常。如果想簡簡單單又唔想太貴食自助餐，呢到都係一個值得選擇地方。