上村牧場 (已結業)

第一次食薩摩牛，感覺幾特別。食物方面，薩摩牛幾好食，好多油脂分泌，咬落似綿花咁軟，幾好食。但係佢d肉砌得有d厚，要自己再一開三先可以開始燒。佢有個特別醫汁要自己磨，幾好味，同牛肉好夾，可以中和油脂味，但係我叫咁多野食都係比得一份，食到後面根本唔夠用。環境衛生就一般般，位置比較細，枱櫈地下都有d痴立立，點解好似間間餐廳都係咁樣，入到去d野都係衛生麻麻地。燒烤爐下面有d廢水，影響食慾，唔明點解唔清左佢。價錢方面，兩個人叫左個$7xx 二人餐，加左個$999八品薩摩牛，後者有八折，total$17xx，我覺得只值$600一位，CP值偏低，應該唔會再去。